រឿងសំខាន់ ១០ យ៉ាងដែលអ្នកអាចបង្រៀនកូនៗរបស់អ្នកនៅចន្លោះអាយុ ១០ ឆ្នាំ

មាតាបិតាគ្រប់រូបតែងតែចង់អោយកូនៗរបស់ពួកគេមានទម្លាប់ និងអត្តចរិកល្អតាំងពីតូច ប៉ុន្តែមានមាតាបិតាមួយចំនួនមិនបានចូលរួមអប់រំកូនៗបានច្រើនឡើយ។ ទាំងអស់នេះហើយដោយសារតែមាតាបិតាខ្លះមានភារកិច្ចក្នុងការរកស៊ី ហើយមួយចំនួនទៀតមិនសូវយកចិត្តទុកដាក់លើរឿងទាំងនេះឡើយ។ ការអប់រំកុមារ ឬកូនៗគឺជារឿងសំខាន់ដើម្បីពួកគេមានទម្លាប់ល្អនៅពេលគេធំពេញវ័យ។

រឿងសំខាន់ ១០យ៉ាងដែលមាតាបិតាគួរពិចារណាប្រាប់ទៅដល់កូនៗ ដើម្បីអោយកូនមានទម្លាប់ល្អ ភាពក្លាហាន និងការអភិវឌ្ឍន៍ខ្លួននៅពេលពួកគេធំបន្តិចម្តងៗ៖

១. ការគោរពស្មើគ្នាចំពោះភេទទាំងពីរ

Kid 1

ការគោរពអ្នកដទៃ គឺជាការសំខាន់មួយដែលកូនរបស់អ្នកគួរតែទទួលបាន រួមទាំងការគោរពដល់កុមារដទៃទៀតដែលមានអាយុដូចគ្នាដោយមិនគិតពីភេទស្រី ឬប្រុស។

២. កុំខ្លាចបរាជ័យក្នុងការធ្វើខុសអ្វីមួយ

Kid 2

ការរៀនពីកំហុសឆ្គងគឺជាទម្លាប់ដ៏ល្អមួយដែលមិនអាចកាត់ថ្លៃបាន។ វាពិតជាសំខាន់ខ្លាំងណាស់ក្នុងការរៀនពីភាពបរាជ័យរបស់ខ្លួន ហើយកូនរបស់អ្នកមិនគួរខ្លាចចាញ់ ឬបរាជ័យអ្វីឡើយ។

៣. ចំណេះដឹងសំខាន់ជាងចំណាត់ថ្នាក់

Kid 3

មាតាបិតាខ្លះបែរជាខឹងនឹងចំណាត់ថ្នាក់ក្នុងការរៀនសូត្ររបស់កូនៗទៅវិញ ពីព្រោះដោយសារតែខុសពីការរំពឺងទុករបស់ពួកគេ។ ទោះជាយ៉ាងណាក៏ដោយ ចំណាត់ថ្នាក់ល្អមិនបានបង្ហាញពីចំណេះដឹងដ៏ល្អឡើយ។ អ្នកគួរតែប្រាប់កូនៗថា ចំណេះដឹងគឺពិតជាសំខាន់ជាងចំណាត់ថ្នាក់របស់ពួកគេទៀត។

៤. មាតាបិតាមិនមែនជាអ្នកដទៃឡើយ កូនអាចស្នើសុំយើងទាំងពីរជួយបានគ្រប់ពេល

Kid 4

ចង់ធ្វើជាមិត្តម្នាក់របស់កូនៗមិនមែនជារឿងងាយស្រួលឡើយ ជាពិសេសពេលពួកគេមានមិត្តច្រើនដែលមានអាយុប្រហាក់ប្រហែលនឹងគេ។ អ្នកគួរព្យាយាមធ្វើអោយគេទុកចិត្ត ហើយសូមកុំបង្រៀនអ្វីដែលវែងៗពេក។

៥. តែងតែត្រៀមខ្លួនរួចរាល់សម្រាប់ខ្លួនឯង

Kid 5

មាតាបិតាមួយចំនួនមានការគោរពចំពោះលោកគ្រូអ្នកគ្រូ និងអ្នកដទៃច្រើនជាងកូនៗរបស់ពួកគេ។ នេះអាចបង្ហាញពីភាពទន់ខ្សោយ ឬអសមត្ថភាពក្នុងការក្រោកឈរដោយខ្លួនឯង។ ពន្យល់កូនថាការគោរពគឺជារឿងសំខាន់ ប៉ុន្តែមិនត្រូវទន់ខ្សោយឡើយ។ កូនត្រូវរៀនពីភាពបត់បែនគ្រាន់តែប្រាកដថាធ្វើវាអោយត្រឹមត្រូវ។

៦. កុំធ្វើអ្វីដែលអ្នកមិនចូលចិត្តចំពោះការយល់ព្រមរបស់នរណាម្នាក់

Kid 6


ប្រើគំរូផ្ទាល់ខ្លួនអ្នក ដើម្បីបង្ហាញកូនរបស់អ្នកថាការធ្វើជាមនុស្សស្មោះត្រង់ និងគួរឲ្យគោរពមានតម្លៃជាងការធ្វើអ្វីដែលកូនគិតថាមិនត្រឹមត្រូវ ឬខុសទំនង។

៧. បើកូនមិនយល់ត្រង់ណា អាចសួរមាតាបិតាបាន

Kid 7

កុមារភាព គឺជាពេលវេលាដ៏ល្អបំផុតដើម្បីដឹងអំពីរឿងនេះ។ ហើយអ្នកគួរប្រាប់កូនៗអោយបានជាប្រចាំថាមិនយល់ ឬឆ្ងល់អ្វីមួយ ពួកគេអាចសួរបានគ្រប់យ៉ាង។

៨. ប្រសិនបើកូនមានអារម្មណ៍មិនស្រួល ត្រូវប្រាប់លោកគ្រូអ្នកគ្រូ

Kid 8

សុខភាព គឺជារឿងសំខាន់ជាងវិន័យគ្រូ និងការសិក្សាក្នុងថ្នាក់។ ដូចនេះកុមារមិនគួរខ្លាចក្នុងការប្រាប់ពីបញ្ហាសុខភាពឡើយ។ ហើយត្រូវប្រាប់ញឹកញាប់ទៅដល់កូនៗរបស់អ្នកផង ព្រោះជារឿងចាំបាច់។

៩. គោរពបរិស្ថានជុំវិញខ្លួន

Kid 9

ភាពកខ្វក់នៅតាមផ្លូវកើតមានជារៀងរាល់ថ្ងៃ ដូនេះអ្នកអាចប្រាប់កូនៗពីផលប៉ះពាល់របស់វា ហើយធ្វើជាគំរូទៅដល់កូនៗពេលនៅជាមួយពួកគេមិនថានៅផ្ទះ ឬនៅខាងក្រៅឡើយ។

១០. រៀនប្រាប់ខ្លួនឯងថា ទេ

Kid 10

ការគោរពពីបទបញ្ញត្តិទូទៅ គឺដូចជាការគោរពខ្លួនឯងដែរ។ ការមានបុគ្គលិកលក្ខណៈនេះគឺល្អសម្រាប់កូនៗយកគំរូតាម ហើយប្រាប់ពីមូលហេតុដែលត្រូវឆ្លើយថា ទេ ចំពោះភាពមិនត្រឹមត្រូវ។

 

Translated by: Ly Hout

Edited by: Serpent

Cited by: happylearnnews.com

Source in English: brightside.me