ផលិតករ ហ៊ុយ យ៉ាឡេង ប្រកាសលាឈប់ពីវិស័យសិល្បៈ បើ៥ឆ្នាំទៀតមិនអាចធ្វើឱ្យភាពយន្តខ្មែររីកចម្រើនដូចទសវត្សរ៍៦០

ភ្នំពេញ៖ ផលិតករ អ្នកដឹកនាំរឿង និងតួសម្ដែង លោកហ៊ុយ យ៉ាឡេង (កឋាជ័យ) បានធ្វើការប្រកាសនៅក្នុងបណ្ដាញសង្គម Facebook ផ្ទាល់ខ្លួនរបស់លោកថា លោកនឹងលាឈប់ពីសិល្បៈបើសិន៥ឆ្នាំទៀត មិនអាចធ្វើឱ្យភាពយន្តខ្មែររីកចម្រើនដូចកាលពីទសវត្សទី៦០។

Screen Shot 2020 01 09 At 4.01.43 PM

80348662_2568620570034001_3919944272270327808_o

82832896_2583614105201314_12255414301229056_o

ផលិតកររូបនេះ បានបង្ហោះសារនេះ ក្រោយពេលដែលខ្សែភាពយន្តថ្មីរបស់លោកគ្រោងនឹងចាក់បញ្ចាំងនាថ្ងៃទី ៣០ ខែមករាខាងមុខនេះ ក្រោមចំណងជើងថា «ដើម្បីកូន» ដែលមានការចូលរួមសម្ដែងពីសិល្បករយ៉ាងច្រើន និងជាពិសេសតួស្រីក្នុងដួងចិត្តទស្សនិកជន កញ្ញា មានសូនីតា ផងដែរ។ ទោះជាមិនទាន់បានចាក់ផ្សាយនៅឡើយ ក៏ប៉ុន្តែផលិតកររឿង «ដើម្បីកូន» បានពាំនាំថវិកាចំនួន ៤លានរៀល សម្រាប់ឧបត្ថម្ភដល់មន្ទីរពេទ្យគន្ធបុប្ផា ហើយសម្រាប់ក្រោយពេលចាក់បញ្ចាំង ថវិកា ១០% ពីការចាក់បញ្ចាំងនៅរោងភាពយន្ត លោកនឹងរៀបចំឧបត្ថម្ភដល់មន្ទីរពេទ្យគន្ធបុប្ផាផងដែរ ដែលនេះគឺជាទឹកចិត្តដ៏ល្អថ្លៃថ្លាផងដែរ។


4C1E262100000578 5720129 Band_of_brothers_Although_the_first_Hemsworth_to_get_into_acting A 33_1526085812954

81634143_2787943214597580_7526061864111833088_o

គួររំលឹកផងដែរថា លោកហ៊ុយ យ៉ាឡេង ជាអ្នកដឹកនាំរឿងមួយដ៏មានកេរ្តិ៍ឈ្មោះ ក្រោយស្នាដៃជាច្រើនរបស់លោកទទួលបានការកោតសសើរដូចជា ខ្មោចដើមចេកជ្វា ធ្មប់ វិកលចរិត និងរឿងជាច្រើនទៀត ដេលសុទ្ធតែទាក់ទាញដួងចិត្តទស្សនិកជនមិនតិចនាក់ឡើយ។ សម្រាប់ខ្សែភាពយន្តថ្មីរបស់លោក នឹងមានវត្តមានក្នុងរោងភាពយន្តក្នុងស្រុក ចាប់ពីថ្ងៃទី ៣០ ខែមករា ខាងមុខនេះ  ដូច្នេះកុំខកខានឱ្យសោះ ចូលរួមគាំទ្រស្នាដៃផលិតករក្នុងស្រុក ទាំងអស់គ្នា៕

15220222_1185860641467489_6387027569349891474_n