ឃើញហើយគួរឱ្យខ្លាច បាបបុណ្យគឺមានពិតជាតិហ្នឹង មិនចាំជាតិក្រោយឡើយ
បាបបុណ្យមានពិត ជាតិហ្នឹង មិនចាំជាតិក្រោយឡើយ
បាបហើយនិងបុណ្យ មិនអាចបូកដក ទូទាត់គ្នាបានឡើយ ត្រូវចាំថា អ្នកធ្វើអ្វី ប្រព្រឹត្តអ្វី លើអ្នកដទៃ នោះថ្ងៃណាមួយ បាបនោះនឹងត្រឡប់មករកអ្នក ឬអាចធ្លាក់លើក បងប្អូន កូនចៅអ្នកវិញមិនខាន គឺទទួលក្នុងជាតិហ្នឹង មិនចាំជាតិក្រោយឡើយ។
បាបកម្មទាំងឡាយណា ដែលអ្នកបានប្រព្រឹត្តឡើងមក វានឹងតបមកវិញភ្លាមៗ គ្មានការអនុគ្រោះទេ បើទោះជាម្ចាស់កម្មនោះមិនចងកម្ម តែកម្មដែលអ្នកបានសាង វាមិនដែលភ្លេចអ្នកទេ។ ត្រូវចាំថា ហេតុអ្វី ជីវិតអញគ្មានក្ដីសុខ ហេតុអ្វីជីវិតអញជួបតែទុក្ខ គ្រប់យ៉ាង វាជាកម្ម ដែលបានហុចផលមកវិញ។
សូមកុំទៅសាងកម្មពៀរវេរា ឬធ្វើបាបអ្នកណាអី យើងក៏ចង់បានក្ដីសុខ គេក៏មិនចង់ជួបទុក្ខនោះដែរ ដូច្នេះ គួរតែចេះសន្សំកុសលផលបុណ្យឱ្យបានច្រើន ដើម្បីក្ដីសុខជាតិនេះ និងតទៅជាតិមុខ។
ការដែលមានកម្មតាមជាប់ប្រាណ វាមិនមែនជារឿងដែលគាប់ប្រសើរឡើយ។
Recent News
