ក្រោយពីការប្រកាសពីការបញ្ចប់ជម្លោះរវាងតារាស្រីល្បីឈ្មោះ Taylor Swift និង Katy Perry មិនទាន់បានប៉ុន្មានផង Taylor Swift បានបញ្ចេញបទចម្រៀងថ្មី ហើយថែមទាំងសម្ដែងជាមួយ Katy ថែមទៀតផង។
បទចម្រៀង You need to calm down របស់ Taylor Swift បានធ្វើការបង្ហោះនៅលើ Youtube ហើយក៏ទទួលបានការចាប់អារម្មណ៍យ៉ាងខ្លាំង ខណៈបទចម្រៀងនេះ នាងបានសម្ដែងជាមួយអតីតមិត្តចាស់ ដែលទើបត្រូវគ្នាវិញក្រោយជម្លោះយ៉ាងយូរទៀតផង។ ក្នុងវីដេអូចម្រៀងបទ You Need To Calm Down Taylor បានតុបតែងខ្លួនជា ដំឡូងបារាំង ឯ Katy បានតុបតែងខ្លួនជា Burger ដែលមើលទៅ ពួកគេពិតជាត្រូវគ្នាវិញមែនទែន។
គួរបញ្ជាក់ផងដែរថា ជម្លោះរវាងតារាចម្រៀងស្រីជួរមុខ Taylor Swift និង Katy Perry ត្រូវបានបញ្ចប់ជាផ្លូវការកាលពីថ្មីៗនេះ ក្រោយមើលមុខគ្នាមិនចំអស់ពេលរាប់ឆ្នាំ។ ការបញ្ជាក់ច្បាស់ពីការត្រូវគ្នាវិញ គឺ Katy Perry បានបង្ហោះរូបលើ Instagram នៃនំមួយចានមានសរសេរពាក្យថា "Peace At Last” ហើយក្នុងរូបនេះបាន Tag ម្ចាស់បទ "Bad Blood” ចូល និងសរសេរ Caption ថា "feels good @taylorswift” រួមទាំងដាក់ទីតាំងនៃរូបថា "Let's Be Friends” ទៀតផង៕
ទស្សនាវីដេអូបទ You Need To Calm Down ខាងក្រោមនេះ៖
https://www.youtube.com/watch?v=Dkk9gvTmCXY