យីការ៉េមសោះ! ថ្លៃអីថ្លៃយ៉ាងនេះ ញ៉ាំហើយបែបអាចហោះបានទេដឹង?
បើនិយាយពីការ៉េម ក្រៅពីជាចំណីដ៏សំខាន់ និងចំណូលចិត្តរបស់ក្មេងតូចៗនោះ ក៏មានមនុស្សធំមួយចំនួននៅតែដកចិត្តនឹងរសជាតិផ្អែមត្រជាក់មិនបានដដែល។ តែអ្នកប្រហែលជាមិនដែលដឹងនោះទេថា ការ៉េមទឹកកកបែបធម្មតាៗមួយនេះ ការពិតនៅប្រទេសមួយចំនួនមានតម្លៃថ្លៃខ្លាំងណាស់់។ អ្នកប្រហែលជាកំពុងតែឆ្ងល់ថា តើថ្លៃប៉ុណ្ណាទៅ? ច្បាស់ណាស់គឺថ្លៃជាងការ៉េមធម្មតា ថ្លៃជាងការ៉េមប្រេនៗ 30$-50$ ដែលអ្នកមានលុយមួយចំនួនហ៊ានទទួលទានផង។
តោះ! ចង់ដឹងថាវាថ្លៃនោះមានតម្លៃប៉ុណ្ណា មកតាមដានទាំងអស់គ្នា៖
១. Serendipity 3 Frrrozen Haute Chocolate Ice Cream Sundae – $25,000
ការ៉េមនេះមានធាតុផ្សំពីកាកាវ សូកូឡា ដោះគោល្អៗដែលកម្រ ជាពិសេសក៏មានរោយកម្ទេចមាស ២៣ការ៉ាត់ពីលើផងដែរ។ អ្វីដែលពិសេសរាល់ពេលអ្នកកំម៉ុងទទួលទានការ៉េមនេះ អ្នកនឹងទទួលបានខ្សែដៃ ឬខ្សែក ទម្ងន់ ១៨ការ៉ាត់នេះទៅវិញទុកជាអនុស្សាវរីយ៍ទៀតផង។
២. Scoopi’s Black Diamond – $817 per scoop
ការ៉េមនេះក្រៅពីមានគ្រឿងផ្សំកម្រពិសេសៗហើយ វាក៏មានលាយនឹងកម្ទេចមាស ២៣ការ៉ាត់ផងដែរ។
៣. Absurdity Sundae – $60,000
ការ៉េមតម្លៃមហាសាលនេះ ត្រូវបានធ្វើឡើងដោយក្រុមហ៊ុនការ៉េមធំៗចំនួន ៣ ដែលការួមរួមគ្នាធ្វើការ៉េមដ៏សែនថ្លៃម៉ែអាថ្លៃនេះ គឺសម្រាប់ការលក់យកលុយជួយដល់កម្មវិធីសប្បុរសធម៌នៅអាហ្វ្រិក។
៤. Three Twins Ice Cream Sundae – $3,333
ការ៉េមដ៏សែនថ្លៃនេះ ក៏មិនខុសពីការ៉េមដទៃដែរ ដោយសារតែវាមានធាតុផ្សំឡើយដោយគ្រឿងផ្សំថ្លៃៗ ជាពិសេសគឺរបស់កម្រតែម្តង ដោយផលិតពីផ្លែចែកពូជកម្រ និងទឹកស៊ីរ៉ូដែលផលិតពីស្រាដែលមានគុណភាពខ្ពស់ និងពិបាករកនឹងបាន។
៥. Golden Opulence Sundae – $1,000
ការ៉េមដែលមានស្លាបព្រានេះ ត្បីតតែថ្លៃ តែមិនមែនចេះតែកំម៉ុងងាយៗនោះទេ ក្រៅពីមានលុយ អ្នកត្រូវធ្វើការកក់ទុកជាមុនយ៉ាងហោចឱ្យបាន 48ម៉ោងមុន។
៦. The Victoria – $1,000
ការ៉េមដ៏ថ្លៃនេះ មិនត្រឹមតែផ្សំដោយវ៉ានីឡា និងសូកូឡាពិសេសៗ តែវាក៏មានស្រោចទៅដោយស្រា Hennessy VSOP និងរោយកន្ទេចមាសដល់ទៅ ២៤ការ៉ាត់ផងដែរ៕
ចុះប្រិយមិត្តហ៊ានញ៉ាំអត់?
ព័ត៌មានថ្មីៗ
