ស្រៀវណាស់! ដើម្បីធ្វើដំណើរទៅសាលារៀន កុមារទាំងនេះចំណាយពេល ២ ម៉ោងត្រូវឡើង និងចុះជណ្តើរចោតពីភ្នំ!
ចិន៖ កាលពីខែឧសភាឆ្នាំ 2018 ពិភពលោកបានភ្ញាក់ផ្អើលបន្ទាប់ពីរឿងមួយអំពីកុមារមួយក្រុមមកពីភូមិ Atule'er នៅភាគខាងត្បូងនៃខេត្តស៊ីឈួនបានឡើងនិងចុះជម្រាលភ្នំដ៏គ្រោះថ្នាក់ 800 ម៉ែត្រដើម្បីទៅរៀននៅសាលា។
ដោយប្រើតែជណ្តើរចំនួន 17 ដែលត្រូវបានបង្កើតឡើងនៅតាមច្រាំងភ្នំ កុមារពុំមានជម្រើសទេប៉ុន្តែត្រូវឡើងជណ្តើរឡើងនិងចុះក្រោមដើម្បីទៅកាន់សាលារៀននិងត្រឡប់ទៅផ្ទះវិញ។
កាលពីអតីតកាលការស្លាប់ជាច្រើនត្រូវបានរាយការណ៍បន្ទាប់ពីមនុស្សមួយចំនួនបានធ្លាក់ចុះ។
ជណ្ដើរចាស់គឺជាមធ្យោបាយតែមួយគត់សម្រាប់អ្នកភូមិទៅកន្លែងផ្សេងៗទៀតដែលស្ថិតនៅខាងក្រោមជ្រលងភ្នំ។
សូមអរគុណចំពោះការអំពាវនាវទូទាំងប្រទេសដល់អាជ្ញាធរដែលបានបង្កើតជណ្តើរដែកថែបដើម្បីជំនួសជណ្តើរចាស់ដែលមានគ្រោះថ្នាក់។
នៅខែតុលាឆ្នាំនេះការសាងសង់ចុងក្រោយនៃគម្រោងនេះត្រូវបានបញ្ចប់បន្ទាប់ពីកម្មករបានដាក់បង្កាន់ដៃជាច្រើនដែលផ្តល់ភាពខាងស្រួលសម្រាប់កុមារ។
ជណ្តើរដែកដែលត្រូវបានគេហៅថា "ជណ្ដើរឡើងទៅឋានសួគ៌" ឥឡូវនេះជួយដល់កុមារឱ្យមានជម្រើសសុវត្ថិភាពជាងមុននៅពេលទៅសាលារៀន។
នៅថ្ងៃទី 5 ខែឧសភាក្មេង 20 នាក់នៅក្នុងភូមិបានប្រើជណ្តើរថ្មីជាលើកដំបូងដើម្បីឡើងត្រឡប់ទៅផ្ទះរបស់ពួកគេវិញបន្ទាប់ពីត្រលប់ពីសាលារៀននៅជើងភ្នំ។
កុមារមិនត្រូវបានអនុញ្ញាតឱ្យឡើងលើនិងចុះក្រោមតែម្នាក់ឯងនោះទេលោះត្រាតែត្រូវមានមនុស្សពេញវ័យដែលនឹងអមដំណើរជាមួយពួកគេនៅពេលធ្វើដំណើរ។
រូបភាពនៅទីនេះគឺនៅពេលដែលនាយកសាលារង់ចាំឱ្យកុមារប្រមូលផ្តុំគ្នាខណៈពេលរង់ចាំមាតាបិតានិងអាណាព្យាបាលរបស់កុមារឱ្យឡើងចុះ។
ឪពុកម្តាយក៏បានភ្ជាប់ខ្សែពួរចង់ចង្កេះកូនរបស់ពួកគេជាវិធានការប្រុងប្រយ័ត្នផងដែរ។
ទោះបីជាវាស្រដៀងនឹងជណ្តើរចាស់ៗ ប៉ុន្តែជណ្តើរថ្មីមានភាពរឹងមាំជាង និងសុវត្ថិភាពសម្រាប់កុមារ វាត្រូវបានសាងសង់នៅមុំ 60 ដឺក្រេ។
ការធ្វើដំណើរដ៏លំបាកនេះចំណាយពេលពីរម៉ោងដើម្បីបញ្ចប់ដោយប្រើជណ្ដើរថ្មី។ ជណ្តើរចាស់ៗត្រូវបានគេនិយាយថាប្រើពេលដល់ទៅបីម៉ោង។
ជណ្តើរដែកដែលបានសាងសង់រួចអាចសម្រួលការលំបាក និងពេលវេលាពិតមែន ប៉ុន្តែវាបង្ហាញថាគ្មានអ្វីអាចបញ្ឈប់កុមារទាំងនេះមិនឱ្យទៅសាលារៀនបានឡើយ៕
ប្រែសម្រួលដោយ៖ វីរៈ
Recent News
