ឡូយអស់ស្ទះ! តួប្រុស Friendzone នឹងធ្វើដំណើរមកស្រុកខ្មែរយើងឆាប់ៗនេះហើយ!
បន្ទាប់ពី Friendzone បានធ្វើការចាក់បញ្ចាំងនៅគ្រប់បណ្តាស្រុកខ្មែររួចមក ខ្សែភាពយន្តខ្នាតធំរបស់ប្រទេសដៃមួយនេះ ពិតជាទទួលបានការគាំទ្រខ្លាំងមែនទែនពីអ្នកទស្សនាថាល្អមើល ឯតួសម្តែងក៏មានសមត្ថភាពសម្តែងដ៏ល្អឥតខ្ចោះ ជាពិសេសគឺសម្រស់ស្រស់ស្អាតរបស់តួឯកទាំងពីរ គឺ Baifern និង Nine Naphat។
អ្វីដែលកាន់តែពិសេសនេះ ថ្មីៗនេះបើយោងតាមរយៈគណនីហ្វេសប៊ុកផេក ThirTeen Terrors – Cambodia បានប្រកាសព័ត៌មានធ្វើឱ្យបណ្តាអ្នកគាំទ្រខ្សែភាពយន្ត Friendzone នេះ ជាពិសេសគឺអ្នកគាំទ្រតួប្រុសសង្ហាវ័យក្មេង Nine Naphat រំភើប និងរីករាយជាខ្លាំង ដោយតួប្រុស Friendzone លោក Nine Naphat នឹងធ្វើដំណើរមកកម្ពុជានៅក្នុងពេលឆាប់ៗនេះហើយ។ ដំណឹងដ៏រីករាយនេះ ធ្វើឱ្យអ្នកគាំទ្រប្រុសសង្ហារូបនេះ សប្បាយចិត្ត អរស្ទើរទប់ចិត្តមិនបាន ដោយអាចមានឱកាសជួបមុខតារានៅក្នុងដួងចិត្តដោយផ្ទាល់បែបនេះ។
គួរឱ្យដឹងផងដែរថាការធ្វើដំណើរមកស្រុកខ្មែររបស់ លោក Nine Naphat គឺដើម្បីចូលរួមនៅក្នុងកម្មវិធី Thai Film Festival 2019 ដែលប្រព្រឹត្តឡើងនៅថ្ងៃទី ២៤ ខែកក្កដា ឆ្នាំ ២០១៩ ខាងមុខនេះហើយ៕
ប្រភព៖ ThirTeen Terrors - Cambodia
Recent News
