ដឹងអត់ថា ហេតុអ្វីមនុស្សស្រីចូលចិត្តមើលមនុស្សប្រុសពេលគេងលក់?
តើអ្នកមានដឹងទេ? ៩០ភាគរយនៃមនុស្សស្រីដែលមានអាយុ ពី ១៦ឆ្នាំ ដល់ ២៥ឆ្នាំ ចូលចិត្តមើលមនុស្សប្រុស (ដែលគេស្រឡាញ់ ឬ ចូលចិត្ត) ពេលដែលគេងលក់ និង ទើបភ្ញាក់ពីគេង។ ហេតុអ្វី?
៩០ភាគរយនៃចម្លើយគឺ ព្រោះមនុស្សប្រុសពេលនោះ គឺគួរឲ្យស្រឡាញ់ជាងពេលណាៗទាំងអស់។ ពីមុន ខ្ញុំក៏ឆ្ងល់ដែរ ថាម៉េចក៏ចឹង ព្រោះពេលខ្ញុំក្រោកពីគេង សក់ឡើងកន្ទ្រើង មុខវិញ មិនបាច់និយាយដល់ទេ 😆 ដូចនេះ យើងទៅស្វែងរកចម្លើយទាំងអស់គ្នាជាមួយខ្ញុំ នូវបទពិសោធន៍ថ្មីមួយ ពីមនុស្សប្រុសម្នាក់ ៖
កាលពីយូរលង់ណាស់មកហើយ មានបុរសសង្ហាម្នាក់ គេងនៅលើគ្រែរបស់ខ្ញុំ។ មុខរបស់គេពេលគេង ធ្វើឲ្យខ្ញុំនឹកឃើញដល់សំណួរខាងលើ។ ខ្ញុំព្យាយាម មើលមុខរបស់គេជាច្រើនលើកច្រើនសារ តែនៅតែមិនឃើញអីសោះ។ នេះបើខ្ញុំមានកែវពង្រីកទៀតណា ខ្ញុំនឹងយកមកមើល ឲ្យឃើញកោសិកាស្បែកតាម៉ង។ ខ្ញុំមិនហ៊ានមើលឲ្យជិត ព្រោះខ្លាចគេដឹងខ្លួន បានត្រឹមតែមើលពីចម្ងាយ តែគេក៏យកភួយគ្របមុខទៀត!! ក្តៅក្រហាយម៉ង!! រកតែស៊ើបរកចម្លើយតិចមិនបាន!! ចង់តែចាប់រំលោភឲ្យរាងទេ!! (យាយលេង ^_^ ) ខ្ញុំស្រាប់តែនឹកឃើញភ្លាមៗថា នៅក្នុងរឿង តួស្រីគេវែកសក់តួប្រុស ដើម្បីមើលមុខឲ្យច្បាស់។ ខ្ញុំក៏ចង់វែកសាកមើលដែរ តែមិនហ៊ាន! ណាមួយមិនមែនតួស្រីផង ទុកឲ្យតួស្រីវែកមើលខ្លួនគេចុះ ^_^ ណ្ហើយ! លេងសើចច្រើនណាស់ហើយ! ចូលសាច់រឿងវិញ។
ចម្លើយដែលខ្ញុំទទួលបាន ក៏មិនខុសពីចម្លើយខាងលើដែរ!! គឺមនុស្សប្រុសពេលទើបភ្ញាក់ពីគេង ពិតជាគួរឲ្យស្រឡាញ់មែន (តែមិនចង់ស្រឡាញ់ទេ)។ ខ្ញុំក៏ទើបតែដឹង នៅពេលដែលខ្ញុំមើលមុខប្រុសម្នាក់នោះពេលគេភ្ញាក់ពីគេង ខ្ញុំមិនដឹងថាខ្ញុំមើលតាំងពីពេលណាទេ គ្រាន់តែដឹងថា មើលហើយគឺមិនចង់ដកភ្នែកវិញ មើលរហូតដល់គេបើកភ្ែនកមក ^_^ ពិតជាគួរឲ្យស្រឡាញ់មែន ខ្ញុំមិននឹកស្មានសោះ ថា ខ្ញុំអាចមើលឃើញបែបហ្នឹងសោះ ទាំងដែលពីមុន ខ្ញុំមើលមិនឃើញ។
នេះមិនមែនជាសំណេរសារភាពស្នេហ៍ទេ តែគឺជាចម្លើយ និង បទពិសោធន៍ថ្មី ដែលខ្ញុំទើបទទួលបាន។ អរគុណប្រុសម្នាក់នោះ ដែលឲ្យខ្ញុំមើលមុខ (ទាំងដែលតាមពិត គេមិនបានចង់ឲ្យមើលទេ ព្រោះឃើញយកភួយបិទមុខតាំងពីគេង មិនទាន់លក់ គឺមកពីភួយរបូតច្រើនជាង តែខ្ញុំមិនមែនជាអ្នកទាញទេណា)៕
ព័ត៌មានថ្មីៗ
