ទីបំផុត កម្មវិធី ឋានសួគ៌ ឬឋាននរក ចេញមុខបកស្រាយ និងសុំទោសជាសាធារណៈពាក់ព័ន្ធនឹងកំហុសឆ្គងក្នុងកម្មវិធី ថែមទាំងស្នើសុំបញ្ឈប់ការយល់ច្រលំទៅពិធីការិនី អ្នកនាង កែវ ចាន់និមល
ភ្នំពេញ៖ ប្រិយមិត្តប្រាកដជាបានបានជ្រាបហើយថា បញ្ហាទាក់ទងការសួរសំណួរវប្បធម៌ទូទៅនៅក្នុងកម្មវិធីឋានសួគ៌ ឬឋាននរក របស់ទូរទស្សន៍ហង្សមាស បានធ្វើឱ្យមហាជនមានការខឹងសម្បារ និងរិះគន់ជាខ្លាំង ព្រោះតែសំណួរ និងចម្លើយពីផ្លូវជាតិហាក់មិនត្រឹមត្រូវតាមឯកសាររបស់ក្រសួងអប់រំ។
ជាក់ស្តែងអ្នកដែលត្រូវបានមហាជនរិះគន់យ៉ាងខ្លាំងនោះ គឺពិធីការិនីសម្បូរសំនួនវោហោអ្នកនាង កែវ ចាន់និមល តែម្តង ដោយការបន្ទោស និងដាក់បន្ទុកទាំងស្រុងលើអ្នកនាង តែយ៉ាងណាក្តីអ្នកនាងនៅតែរក្សាភាពស្ងៀមស្ងាត់មិនតបតឡើយ។
ហាក់ចង់សម្តែងការសុំទោសអស់ពីចិត្ត និងបកស្រាយការភាន់ច្រលំទៅលើពីធីការិនី អ្នកនាង កែវ ចាន់និមល ពេលនេះកម្មវិធិ ឋានសួគ៌ ឬឋាននរកបានចេញលិខិតជាផ្លូវការមួយច្បាប់សុំទោសមហាជនជាសារធារណៈ និងទទួលស្គាល់នូវកំហុសឆ្គងក្នុងការរៀបចំកម្មវិធីនេះដោយផ្ទាល់ ជាពិសេសគឺបកស្រាយថាកំហុសឆ្គងនេះមិនពាក់ព័ន្ធនឹងអ្នកនាង កែវ ចាន់និមលឡើយ។
ដើម្បីឱ្យជ្រាបច្បាស់សូមទស្សនាលិខិតសុំទោសរបស់កម្មវិធីដូចខាងក្រោម ៖
ព័ត៌មានថ្មីៗ
