ភ្នំពេញ៖ គ្រប់គ្នាប្រាកដជាបានស្គាល់ហើយ តារាចិត្តធម៌ គឺអ្នកនាង ស្រីអូន ដែលតែងតែ ធ្វអំពើសប្បុរសធម៌ជួយដល់អ្នកជួបទុក្ខលំបាកជាច្រើន ដោយមិនរើសអើងឡើយ ថែមទាំងធ្វើការងារជាច្រើនជួយដល់សង្គមផងដែរ។
ក្រៅពីមានចិត្តល្អ ជីវិតគ្រួសាររបស់ តារាចិត្តធម៌រូបនេះវិញ គឺពោរពេញដោយ សេចក្ដីសុខសុភមង្គល គួរឱ្យច្រណែនយ៉ាងខ្លាំង ដោយមានទាំងប្តីល្អ និងមានកូនស្រីគួរឱ្យស្រលាញ់ជាចំណងដៃផងដែរ។
ជាក់ស្តែងអ្នកនាងតែងតែបង្ហោះរូបភាពជាមួយស្វាមី និងក្រុមគ្រួសារអមដោយពាក្យពេជន៍ ផ្អែមល្ហែម និងមានអត្ថន័យអប់រំអ្នកមានស្នេហា ឬជីវិតប្តីប្រពន្ធជានិច្ច។ ហើយថ្មីៗនេះផងដែរ អ្នកនាងបានរំលេចសារមួយយ៉ាងមានន័យនិយាយអំពីចំណុវមួយចំនួនដែលធ្វើឱ្យគូស្វាមីភរិយារបស់អ្នកនាងអាចសស្រលាញ់គ្នាដល់ចាស់កាន់ឈើច្រត់។
ដោយអ្នកនាងស្រីអូនមានគណនីហ្វេសប៊ុក Ah Ry Nuon បានសរសេររៀបរាប់ថា
« ☀️ប្ដីប្រពន្ធខ្ញុំជ្រេីសយកប៉ុន្មានចំនុចនេះមកធ្វេីជាគោលដេីម្បីអោយយេីងអាចស្រលាញគ្នាដល់កាន់ឈេីច្រត់
☀️ប្រឹក្សាជាមួយគ្នា រាល់ពេលមិនមែនចាំតែចាប់កំហុសគ្នាទេ
☀️ផ្ដល់តំលៃអោយគ្នា រាល់ការងារផ្សេងៗនិងថ្មីយេីងតែងតែសួរគ្នាមិនលួចសំរេចចិត្តតែឯងទេ
☀️សរសេីរគ្នា ប្ដីប្រពន្ធខ្ញុំតែងតែលេីកសរសេីរគ្នាមិនបង្ហាញពីចំនុចអវិជ្ជមានរវាងគ្នាដេីម្បីអោយអ្នកដទៃសេីចចំអកដៃគូរយេីងឡេីយ
☀️សង្រ្គោះគ្រួសារទាំងសងខាង ពិតមែនវាមិនមែនជាការមេីលបំណាំគ្នាទេព្រោះសងខាងសុទ្ធតែបងប្អូនប្ដីប្រពន្ធយើង
☀️មិនចង់ចាញ់ឈ្នះគ្នា ពិតណាស់បេីឈ្នះប្ដីយេីងហេីយយេីងត្រូវបាត់បង់ប្ដីជាទីស្រលាញ់ចាំបាច់អីយកឈ្នះគាត់
☀️ភាពស្មោះត្រង់ ប្ដីមួយប្រពន្ធមួយពិតណាស់ថ្ងៃរៀបការចាស់ទុំសងខាងដឹងលឺ ភ្ញៀវកិត្តយសចូលរួមរាប់រយរាប់ពាន់អ្នក បេីក្បត់គ្នាលែងគ្នាវាជាក្ដីអាម៉ាស់ដែលមិនអាចលុបលាងបាន សូមគិតត្រង់ចំនុចនេះផង🙏🏻🙏🏻🙏🏻
❤️❤️អ្នកប្រឹក្សារបស់ខ្ញុំគឺ លោកប្ដីល្អ »។
រឿងរ៉ាវគូស្វាមីភរិយាអ្នកនាងស្រីអូនបានធ្វើឱ្យគ្រប់គ្នារំជួលចិត្តមែនទែន ជាពិសេសមានការកោតសរសើរដែលចេះគិតគូជីវិតចេះថែរក្សាអាពាហ៍ពិពាហ៍បានល្អបែបនេះ៕