ភ្នំពេញ៖ អ្នកនាង សុខ សុម៉ាវត្តិ តារាស្រីដែលមានសម្រស់ស្រស់ស្អាតមិនរុះរោយ រីកស្រស់គ្រប់រដូវ បើទោះបីជាក្លាយជាស្រីមេម់ាយបន្សល់ដោយកូនស្រីតូចគួរឱ្យស្រលាញ់ក្តី តែវិថីសិល្បៈរបស់អ្នកនាងហាក់មិនចុះស្រុតឡើយ ពោលគឺទាំងការងារសិល្បៈសម្តែង ដើរម៉ូត និងជាពិធីការិនី សុទ្ធតែមមាញឹកស្ទើរមិនលោះថ្ងៃ។
ជាក់ស្តែងថ្មីៗនេះ អ្នកនាង សុខ សុម៉ាវត្តិ ត្រូវបានគេឃើញគ្រងឈុតប្រពៃណីខ្មែរមួយឈុតយ៉ាងស្រស់ស្អាតទាក់ភ្នែក ដែលជាឈុតមានរូបវិមានឯករាជ្យខ្មែរលើអាវផងដែរ។
សំលៀកបំពាក់មួយឈុតដ៏ប្លែក និងស្រស់ស្អាតតាមបែបកូនក្រមុំនេះ តុបតែងដេាយ បុទុមសិរី សំអាងការ ដែលអ្នកនាងសុខ សុម៉ាវត្តី បានថតរូបផ្សព្វផ្សាយសម្អាងការ តែមួយឈុតនេះហាក់ទទួលបានការគាំទ្រ និងលេចធ្លោប្លែកតែម្តង ព្រោះតែមើលទៅហាក់ជាការបង្ហាញពីអត្តសញ្ញាណជាតិខ្មែរ និងការទទួលបានឯករាជ្យពិអាណានិគមនិយមបារាំង ពោលគឺដោយសារតែរូបវិមានឯករាជ្យទីកន្លែងប្រវត្តិសាស្រ្តនៅក្នុងប្រទេសកម្ពុជា៕
Credit Pic: The Parents Studio