ភ្នំពេញ៖ កាលពីអំឡូងឆ្នាំ ២០១២ ស្ថានីយ៍ទូរទស្សន៍ CTN បានបង្កើតកម្មវិធីមួយដែលទាក់ទងទៅចំណេះដឹង ដែលកម្មវិធីនោះមានឈ្មោះថា « តើអ្នកឆ្លាតជាងសិស្សថ្នាក់ទី ៥រឺទេ » ដោយវាជាកម្មវិធីមួយដែល បង្ហាញអំពីចំណេះដឹងថ្នាក់ទី៥ ដែលធ្វើឱ្យប្រជាជនបានដឹងពីកម្មវិធីសិក្សាថ្មីៗរបស់សិស្សថ្នាក់ទី៥ ថែមទាំងមានការចូលរួមពីភ្ញៀវកិត្តយដើម្បីធ្វើការឆ្លើយសំនួរសិស្សថ្នាក់ទី ៥ ហើយក៏មានកុមារា កុមារីថ្នាក់ទី៥ ចូលរួមជួយឆ្លើយដូចគ្នា។
បើទោះបីជាកម្មវិធីមួយនេះលែងដំណើការក្តី តែកម្មវិធីដ៏ពិសេសមួយនេះ និងក្មេងៗឆ្លាតៗទាំង៥រូបប្រចាំកម្មវិធី នៅតែដិតដាមជាប់អារម្មណ៍អ្នកទស្សនាជានិច្ច។
ជាការពិតណាស់ថ្មីៗនេះ រូបភាពជួបជុំគ្នា នៃអតីតក្រុមកុមារក្នុងកម្មវិធីមួយនេះ បានធ្វើឱ្យអ្នកគាំទ្រមានការភ្ញាក់ផ្អើល មិននឹកស្មានថាពួកគេធំឡើងសុទ្ធតែស្រស់ស្អាតស្រស់សង្ហា ជាពិសេសនៅតែរាប់អានគ្នារហូតមកទល់បច្ចុប្បន្ននេះឡើយ។
គួរឱ្យដឹងផងដែរថា បើគិតមកទល់ពេលបង្កើតកម្មវិធី « តើអ្នកឆ្លាតជាងសិស្សថ្នាក់ទី ៥រឺទេ » មកទល់បច្ចប្បន្នមានរយៈពេល ៧ឆ្នាំហើយ ហើយឆ្នាំនេះក៏ជាឆ្នាំដែលពួកចូលសិក្សាថ្នាក់ទី១២ ផងដែរ៕