ភ្នំពេញ៖ ថ្មីៗនេះ រឿងរ៉ាវស្នេហារបស់គូស្នេហ៍មួយគូ គួរឱ្យចាប់អារម្មណ៍ បានធ្វើឱ្យអ្នកលេងបណ្តាញសង្គមហ្វេសប៊ុករំភើប ភ្ញាក់ផ្អើល លាយឡំនឹងភាពអស់សំណើចផងដែរ។ ដោយការពីមុន ខាងស្រីបានប្រើពាក្យបន្តុះបង្អាប់ខាងប្រុសថា «អាខ្មៅ» តែក៏បានប្រែ ក្លាយជាចំណងស្នេហា រហូតឈានដល់ភ្ជាប់ពាក្យ ក្លាយជាគូដណ្តឹងនឹងគ្នា ។
ដោយគណនីហ្វេសបុកមួយឈ្មោះថា ជី មិញ បានបង្ហោះរូប អមជាមួយខ្លឹមសារថា ៖ « នេះហើយលទ្ធផលហៅមនុស្សប្រុស អាខ្មៅ ឱ្យរៀងថ្ងៃក្រោយកុំឱ្យហៅគេផ្ដេសផ្ដាសទៀត» ។
ស្នេហាដ៏គួរឱ្យចាប់អារម្មណ៍មួយនេះ ធ្វើឱ្យអ្នកលេងបណ្តាញសង្គមហ្វេសប៊ុកសុទ្ធតែអស់សំណើច លាន់មាត់សរសើរថា នេះពិតជាគូពិតរបស់គេមែន ហើយក៏ជារឿងស្នេហាដ៏សែនចម្លែក និងផ្អែមល្ហែមមួយដែរ រហូតរូបភាពអ្នកទាំង២ត្រូវបានគេចែករំលែករាប់ពាន់ពេញបណ្តាញសង្គមហ្វេសប៊ុកថែមទៀត៕