តិចនិច ៦យ៉ាងជួយកាត់បន្ថយអារម្មណ៍ភ័យមុន ការប្រលងបាក់ឌុប
ជារៀងរាល់ឆ្នាំមានសិស្សានុសិស្សក៏ដូចជាបេក្ខជនជាច្រើននាក់ដែលត្រូវលាភាពជាសិស្សវិទ្យាល័យដើម្បីក្លាយជានិស្សិតដែលបន្តការសិក្សានៅថ្នាក់មហាវិទ្យាល័យនីមួយៗតាមចំណង់ និងតាមបំណងប្រាថ្នារៀងៗខ្លួន។ យ៉ាងណាមិញបេក្ខជនដែលជិតដល់ថ្ងៃប្រលង មធ្យមសិក្សាទុតិយភូមិហៅកាត់ថា បាក់ឌុប នោះដោយជាទូទៅការប្រលងនេះត្រូវបានប្រព្រឹត្តឡើងនៅក្នុងខែសីហាជារៀងរាល់ឆ្នាំ។
បេក្ខជនតែងតែមានអារម្មណ៍មួយបានលេចឡើងស្ទើរតែចំពោះគ្រប់គ្នានោះគឺ អារម្មណ៍ភ័យ។ ហេតុអ្វីបានជាបេក្ខជនមានអារម្មណ៍ថាភ័យ ?តើធ្វើបែបណាដើម្បីកាត់បន្ថយការភ័យខ្លាចចំពោះការរង់ចាំថ្ងៃប្រលងបាក់ឌុប ?
ខាងក្រោមនេះជាតិចនិចកាត់បន្ថយការភ័យក្នុងអារម្មណ៍អ្នក៖
១. ត្រូវចេះគ្រប់គ្រងអារម្មណ៍៖
កៀកជិតដល់ថ្ងៃប្រលងពិតណាស់ប្រាកដជាមានអារម្មណ៍ច្របូកច្របល់ ធ្វើអ្វីមិនត្រូវ ដូច្នេះយើងត្រូវចេះគ្រប់គ្រង់អារម្មណ៍ខ្លួនឯងឲ្យបាននឹងធឹង។
២. មិនបង្ខំខ្លួនឯងឲ្យរៀនច្រើមុខវិជ្ជាក្នុងពេល១ថ្ងៃ៖
កៀកថ្ងៃប្រលងមិនត្រូវបង្ខំខ្លួនឯងឲ្យហួសហេតុនោះទេ ដែលអាចនាំឲ្យសុខភាពរាងកាយចុះខ្សោយ ។
៣. ត្រូវមានភាពជឿជាក់លើខ្លួនឯង៖
ការជឿជាក់លើខ្លួនឯងគឺពិតជាសំខាន់ណាស់ដែលជាកត្តាជំរុញនិងលើកទឹកចិត្តខ្លួនឯងឲ្យកាន់តែមានទំនុកចិត្តថែមទៀត។
៤. កុំដាក់សម្ពាធលើខ្លួនឯងខ្លាំងពេក៖
ការដាក់សម្ពាធលើខ្លួនឯងខ្លាំងពេក ជាហេតុនាំឲ្យបង្កើតឲ្យមានភាពមិនប្រាកដប្រជាចំពោះខ្លួនឯង ហើយកាន់តែបង្កជាអារម្មណ៍ងាករេ។
៥. ការថែរក្សាសុខភាព៖
មុននឹងចេញប្រយុទ្ធចាំបាច់ត្រូវតែថែសុខភាពឲ្យបានល្អ ជាពិសេសពិសាអាហារណាដែលសម្បូរថាមពល និង ជួយដល់ការចងចាំ។
៦. គេងឲ្យបានគ្រប់គ្រាន់៖
ជិតដល់ថ្ងៃប្រលងប្រាកដជាមានអារម្មណ៍គិតច្រើនតែទោះជាយ៉ាងណាការទទួលទានដំណេកបានគ្រប់គ្រាន់ជាកត្តាសំខាន់ដើម្បីជួយឲ្យរាងកាយមានថាមពល និងជួយឲ្យខួរក្បាលគិតបានលឿន ដូច្នេះគួរកុំចូលគេងយប់ជ្រៅពេក។
ប្រែសម្រួលដោយ៖ សេ្រង ស្រីណាង
កែសម្រួលដោយ៖ Serpent & Rey
ផ្តល់សិទ្ធិដោយ Happylearnnews
ព័ត៌មានថ្មីៗ
