ជាថ្មីម្ដងទៀត កម្ពជាបានបង្កើតប្រវត្តិសាស្រ្តថ្មីរបស់ខ្លួនលើទីលានវាលស្មៅក្រោមថ្វីជើងដ៏អស្ចារ្យ របស់កីឡាករជម្រើសជាតិរបស់ខ្លួន នៅមុននេះបន្តិចថ្ងៃទី១៥ សីហា២០១៩ ដោយក្រុមបាល់ទាត់ជម្រើសជាតិ កម្ពុជា អាយុក្រោម១៨ឆ្នាំ បានធ្វើការប្រកួតជាមួយ ក្រុមបាល់ទាត់វៀតណាម អាយុក្រោម១៨ឆ្នាំនៅកីឡដ្ឋាន Thong Nhat ប្រទេសវៀតណាម ក្នុងការប្រកួតពានរង្វាន់ AFF U18 Next Media Cup 2019។
ការប្រកួតធ្វើឡើងយ៉ាងស្វិតស្វាញ តែទីបំផុត ក្រុមបាល់ក្រុមបាល់ទាត់កម្ពុជា អាយុក្រោម១៨ឆ្នាំ យកឈ្នះក្រុមបាល់ទាត់វៀតអាយុក្រោម១៨ឆ្នាំក្នុងលទ្ធផលបច្ចេកទេស ២ទល់នឹង១។
២គ្រាប់របស់កម្ពុជា គ្រាប់ដំបូងធ្វើបានយ៉ាងល្អដោយកុម៉ាពេជ្យរបស់ កម្ពុជា គឺកីឡាករ សៀង ចន្ធា នៅនាទី ៥០ ដោយមានកិច្ចសហការបានយ៉ាងល្អពីមិត្តរួមក្រុម។ គ្រាប់ទី២ កម្ពុជា ជាគ្រាប់មិនគួអោយជឿដោយនៅចុងក្រោយម៉ោងបន្ថែមទៅហើយ កីឡាករ សៀង ចន្ធា បានបង្កើតឳកាសអោយមិត្តរួមក្រុមគឺកីឡាករ ធី លៀង ស៊ុតបញ្ចូលទីគ្រាប់ទី២ ឲ្យកម្ពុជានៅនាទី៩៥។
គួរំលឹកដែលថា កីឡាករ សៀង ចាន់ធា ធ្លាប់ចូលរួមប្រកួតអោយឈុតធំរបស់កម្ពុជា ហើយសព្វថ្ងៃ គេលេងអោយក្រុមសាលាបាលទាត់បាទីក្រោមអាយុ១៨ឆ្នាំ។ កីឡាកររូបនេះ ក៏អ្នកស៊ុតបំប៉ោងសំណាញ់ទីរបស់ថៃ ២គ្រាប់យកឈ្នះថៃក្នុងលទ្ធផល ៤ ទល់នឹង ៣ កាលពីពេលថ្មីៗកន្លងមកនេះ។
ថ្វីត្បិតតែជ័យជម្នះនេះ កម្ពុជាមិនបានទៅវគ្គបន្តពិតមែន ប៉ុន្តែ កម្ពុជាបានអង្រួនឌួងចិត្តប្រិយ៌មិត្តអ្នកគាំទ្ររបស់ខ្លួន អោយរំភើបញាប់ញ័រ ដោយសាតែ កម្ពុជា កម្រឈ្នះក្រុមវៀតណាមណាស់។ អ្វីដែលពិសេស ជាងនេះទៀតជ័យជម្នះ២ ប្រកួតរបស់ម្ពុជាក្នុងពានរង្វាន់ AFF U18 Next Media Cup 2019 នៅកីឡាដ្ឋាន Thong Nhat ប្រទេសវៀតណាមបានដឹកដៃក្រុមខ្លាំងៗ ក្នុងពូល គឺ ថៃ និង ម្ចាស់ផ្ទះ អោយ ទៅផ្ទះ និងហាលអាវក្រោមថ្វីជើងរបស់គោព្រៃកម្ពុជា ដោយបន្សល់ទុកអូស្ត្រាលី និងម៉ាឡេស៊ីឡើងទៅវគ្គបន្ត។
ដោយ Rey
ត្រួតពិនិត្យ Geo
ផ្តល់សិទ្ធិដោយ Happylearnnews