ភ្ញាក់ផ្អើល! ព្រះនាងម្ចាស់តូច នរោត្តម ជេនណា សម្តែងខ្សែភាពយន្តរឿង « ទេពធីតាព្កុលមាស » ជាតួឯកសមនោះសម!
ភ្នំពេញ៖ ព្រះនាងម្ចាស់តូច នរោត្តម ជេនណា ទ្រង់មានទេពកោសល្យជាច្រើននៅក្នុងវិថីសិល្បៈ មិនថាច្រៀង ដើរម៉ូត រាំចង្វាក់ខ្មែរ និងអន្តរជាតិនោះទេ ពោលគឺសុទ្ធសឹងតែស័ក្តសមឥតទាស់តែម្តង។
ជាក់ស្តែងថ្មីៗនេះផងដែរ ព្រះនាង ថែមទាំងបានបង្ហាញព្រះភក្ត្រដើរតួសម្តែងនៅក្នុងខ្សែភាពយន្តខ្មែរយើងផងដែរ មានចំណងជើងថា « ទេពធីតាព្កុលមាស» ដែលដើរតួសម្តែងគឺជាតួឯកតែម្តង។ដោយរឿងនេះគឺជា រឿងនិទានអំពី នាងទេពធីតាព្កុលមាស បាននិយាយពីកុមារីម្នាក់ដែលខ្ជាក់មាស មានរូបរាងតូចៗដូចផ្កាព្កុល រាល់ពេលដែលនាងយំ។
នៅក្នុងភាពយន្តនេះផងដែរព្រះនាងម្ចាស់ ជេនណា សម្តែងជាតួអង្គ នាងព្កុលមាស ដែលទទួលការធ្វើបាបយ៉ាងខ្លាំងពីម្តាយចិញ្ចឹម និងប្អូនចិញ្ចឹមដ៏ឆ្នាស់ឆ្នើម គឺនាងឆោមផ្កា ដែលសម្តែងដោយតារា TikTok ដ៏ក្រមិចក្រមើម គឺកុមារី សាសា។
គួរឱ្យដឹងផងដែរថា គ្រាន់តែចាប់ផ្តើមសម្តែងរឿងជាលើកដំបូង ទាំងក្រុមការងារផលិត និងអ្នកដឹកនាំរឿង រួមទាំងទស្សនិកជនមានការភ្ញាក់ផ្អើល និងចាប់អារម្មណ៍យ៉ាងខ្លាំង នៅពេលដែលឃើញទេពកោសល្យ និងសមត្ថភាពសម្តែងរបស់ព្រះនាងតូចជេនណា ថាពិតជាស័ក្តសម បញ្ចូលមនោសញ្ចេតនាបានល្អ និងសម្តែងបានល្អគួរឱ្យសរសើរមិនចាញ់អ្នកសម្តែងអាជីពនោះឡើយ៕
ព័ត៌មានថ្មីៗ
