ភ្នំពេញ៖ ថ្មីៗនេះ ឈុតសម្អាងការបែបបុរាណមួយឈុត បានធ្វើឱ្យមហាជនភ្ញាក់ផ្អើល និងកោតសរសើរជាខ្លាំង ព្រោះតែឈុតមានការកែច្នៃប្រតិដ្ឋខ្ពស់មែនទែន ទៅតាមរចនាបថខ្មែរ មានឈ្មោះថា ឈុតរំដួលអង្គរ ដោយការច្នៃម៉ូត និង តំឡេីងឈុតនេះឡេីង ត្រូវបានគេដឹងថាគឺដេីម្បីបង្ហាញបងប្អូនទាំងអស់ឱ្យបានស្គាល់និង ជួយការពារ គាំទ្រសិល្បៈវប្បធម៌ខ្មែរ។
ឈុតយ៉ាងស្រស់ស្អាតនេះផងដែរ ត្រូវបានគ្រងដោយ កញ្ញា ចាន់ គង្ការ ជាអតីតម្ចាស់ជ័យលាភីកម្មវិធី Cambodia’s Next Top Model 2014 ដោយសព្វថ្ងៃកញ្ញាក៏កំពុងតែមមាញឹកក្នុងវិស័យសិល្បៈ ជាមួយនឹងការដើរម៉ូត ការថតផ្សាយសម្លៀកបំពាក់ ថតស្ពតនិងការថតសម្អាងការជាដើម។
ជាក់ស្តែង ការគ្រងឈុត រំដួលអង្គរ របស់កញ្ញា គង្ការ បានធ្វើឱ្យគ្រប់គ្នាសម្តែងនូវការកោតសរសើរថា កញ្ញាពិតជាមានរូបសម្រស់ស្រស់ស្អាត ទន់ភ្លន់ ស័ក្តសមជានារីខ្មែរពិតៗពិតមែន៕
ប្រភពនិងរូបភាព៖ 22 Studio / តំណក់ពេជ្រ សំអាងការនិងដេគ័រ