បើសិនជាអ្នកចង់ក្លាយជាអ្នកមាន អ្នកគួរតែរៀនពីទម្លាប់ល្អៗដែលអ្នកមានគេធ្វើ មកអនុវត្តផ្ទាល់ខ្លួន។
ដោយផ្នែកលើការសិក្សាមួយនៅក្នុងសៀវភៅ “ទម្លាប់អ្នកមាន: ទម្លាប់ជោគជ័យរាល់ថ្ងៃដែលអ្នកមានធ្វើ” បានបង្ហាញថា អ្នកមានភាភច្រើនមានទម្លាប់រួមគ្នាដូចខាងក្រោម៖
១. អានជារៀងរាល់ថ្ងៃ: ៨៨% នៃអ្នកមានអានយ៉ាងហោចណាស់ ៣០នាទី ឬច្រើនជាងនេះក្នុងមួយថ្ងៃៗ ដើម្បីបង្កើនចំណេះដឹងឲ្យលឿននិងទូលំទូលាយ។ ចំណែកអ្នកក្រវិញ មានតែ ២% ប៉ុណ្ណេះដែលចូលចិត្តអាន។
២. មើលទូរទស្សន៍តិចតួច: មានតែ ៦%នៃអ្នកមានទេដែលមើលទូរទស្សន៍ ចំណែកអ្នកក្រវិញមានដល់៧៨%។ ហើយអ្នកមាន ៦៧% មើលទូរទស្សន៍តិចជាង១ម៉ោងក្នុងមួយថ្ងៃ រីឯអ្នកក្រវិញ២៣%មើលតិចជាង១ម៉ោង។
៣. រក្សាសុខភាពល្អ: ៧៦% នៃអ្នកមានធ្វើលំហាត់ប្រាណយ៉ាងតិច ៤ថ្ងៃក្នុង ១សប្តាហ៍ និងបរិភោគអាហារដែលមានផាសុខភាព។
៤. មានបញ្ជីការងារត្រូវធ្វើ: ៨១%នៃអ្នកមានមានបញ្ជីការងារត្រូវធ្វើប្រចាំថ្ងៃដែលជាផែនការគ្រោងទុកមុនដើម្បីដឹងថាអ្វីនឹងត្រូវធ្វើក្នុងថ្ងៃនីមួយៗ បើប្រៀបនឹងអ្នកក្រគឺមានតែ ៩% ទេ។
៥. កំណត់គោលដៅផ្ទាល់ខ្លួន ឬការងារច្បាស់លាស់: ៨០%នៃអ្នកមាន បានកំណត់គោលដៅជីវិតឬការងារច្បាស់លាស់ ខណះអ្នកក្រមានតែ ១២% ប៉ុណ្តេះ។ ហើយអ្នកមានជាង ៨០% ក៏ជឿជាក់ផងដែរថា ការខិតខំបង្កើនចំនេះដឹងផ្ទាល់ខ្លួនរៀងរហូតនិងបង្កើតទម្លាប់ល្អៗនឹងជួយបង្កើតឱកាសឲ្យខ្លួនកាន់តែបានច្រើន។ ប៉ុន្តែ មានតែ ៥% នៃអ្នកក្រទេដែលយល់ព្រមលើគំនិតនេះ។
វាមានទម្លាប់ជាច្រើនទៀត ដូចជាចំណាយពេលយ៉ាងហោចណាស់៥ម៉ោងក្នុងមួយខែដើម្បីចូលរួមសកម្មភាពបង្កើតបណ្តាញទំនាក់ទំនងសង្គម ក្រោកពីដំណេក៣ម៉ោងមុនពេលធ្វើការ។ល។
វាជារឿងដ៏លំបាកនៅពេលដែលយើងកាត់បន្ថយការមើលទូរទស្សន៍ ប៉ុន្តែអ្នកគួរតែចាប់ផ្តើមធ្វើពីព្រោះវាជាជំហានដំបូងដែលនឹងធ្វើឲ្យអ្នកក្លាយជាអ្នកមាន។ ចូរអ្នកបង្កើតទម្លាប់ទាំងនេះដោយការប្តេជ្ញាចិត្តខ្ពស់ ហើយធ្វើជារឿងរហូត។
ប្រភព៖ Sobenmagazine