ចិន៖ ជារឿងមួយគួរឱ្យភ្ញាក់ផ្អើលមួយ ដោយសារតែថ្មីៗនេះហាងទំនិញមួយរបស់អាមេរិច មានឈ្មោះថា Costco ទើបតែបើកសាខាលក់ទំនិញរបស់ខ្លួននៅក្នុងប្រទេចិននៅថ្ងៃដំបូង ស្រាប់តែបង្ខំចិត្តបិទទ្វារភ្លាមៗ ដោយសារតែមានអ្នកចូលមកសម្រុកទិញច្រើនពេក។
ផ្សារលក់រាយដ៏ល្បីរបស់អាមេរិចមួយនេះ ត្រូវបានគេដឹងថា បានបើកលក់ជាលើកដំបូងក្នុងទីក្រុងសៀងហៃ កាលពីព្រឹកថ្ងៃអង្គារកន្លងទៅនេះ ហើយភ្លាមៗស្រាប់តែមានអតិថិជនច្រើនលើសលប់ ប្រជ្រៀតឈរចាំចូលទិញ គ្រាន់តែឃើញក៏អ្នកលក់ចង់ខ្យល់ចាប់ដែរ។
ដោយសារតែមិនអាចទ្រាំទ្រនឹងចំនួនអ្នកទិញច្រើនលើសលប់នោះ ផ្សារ Costco បានបង្ហោះសារថា៖ « ហាងយើងខ្ញុំត្រូវបានកកស្ទះជាមួយហ្វូងមនុស្សជាច្រើន ។ ដើម្បីកែសម្រួល និងធ្វើឱ្យការទិញទំនិញល្អប្រសើរជាងនេះ ផ្សារ Costco នឹងផ្អាកដំណើរការនៅល្ងាចនេះ (ល្ងាចថ្ងៃអង្គារ)»៕
សូមទស្សនារូបភាព និងវីដេអូខាងក្រោម៖