ភ្នំពេញ៖ ស្នេហាអាចកើតឡើងបានគ្រប់ពេលវេលា ដោយហេតុតែនិស្ស័យ និងអារម្មណ៍ដែលមានចំពោះគ្នាទៅវិញទៅមក។ នៅក្នុងនោះដែរ ស្នេហាខ្លះកើតឡើងដំបូងដោយសារតែចំណងមិត្តភាព ស្គាល់គ្នាដោយចៃដន្យ ឬតាមការណែនាំពីមនុស្សជិតស្និទ្ធដូចជាមិត្តភក្តិ និងក្រុមគ្រួសារជាដើម។
ជាក់ស្តែង ថ្មីៗនេះផងដែរ មានគូស្នេហ៍មួយគូ បានចាប់ដៃគ្នាសាងស្នេហាយ៉ាងរឹងមាំបែបច្បាស់លាស់ ថែមទាំងដឹកដៃគ្នាភ្ជាប់ពាក្យយ៉ាងពេញមុខពេញមាត់ផងដែរ ដែលកាន់តែភ្ញាក់ផ្អើលគូស្នេហ៍ទាំងពីរស្គាល់គ្នាដំបូងតាមការលេងហ្គេមតែប៉ុណ្ណោះ។
តាមរយៈគណនីហ្វេសប៊ុកឈ្មោះ Pisey Coffee បានបង្ហោះរូបភាពភ្ជាប់ពាក្យរបស់ខ្លួន ជាមួយនឹងអត្ថន័យដ៏ខ្លី តែមានន័យផងដែរថា៖ « បែបនេះទើបហៅថាច្បាស់លាស់❤️
ស្គាល់គ្នាតាម Game មិនញែរច្រើនទេចូលសួរយកម៉ង😒😂 Thanks you for everything Phin Sophea ❤️ »។
នេះបានគេហៅថានិស្ស័យដល់ ចំណងស្នេហាវេញចងផ្ជាប់គ្នាទោះទៅដល់ទៅណា ស្គាល់គ្នាតាមអ្វីក៏ដោយ តែគូមកដល់គង់តែមកដល់ហើយ៕