ភ្នំពេញ៖ កញ្ញា ពេជ្រ សូលីកា តាំងពីឈានជើងត្រលប់មកវិថីសិល្បៈវិញ និងបានក្លាយជាតារាចម្រៀងកុងត្រានៅក្នុងផលិតកម្មធំរស្មីហង្សមាស រាសីរបស់កញ្ញាហាក់ខ្ពស់ត្រដែតតែម្តង ដោយសារតែហាងឆេងការងារសិល្បៈរបស់កញ្ញាកាន់តែមមាញឹកច្រើនឡើងទាំងការដើរតួសម្តែងក្នុងរឿងភាគទូរទស្សន៍រស្មីហង្សមាសផង ការឡើង Concert ផង និងការថតផ្សព្វផ្សាយពាណិជ្ជកម្មនានាផងដែរ។
ជាក់ស្តែងថ្មីៗនេះកញ្ញា ពេជ្រ សូលីកា កាន់តែធ្វើឱ្យអ្នកគាំទ្រភ្ញាក់ផ្អើល ក្រោយពីកញ្ញា បានថតរូប Pre-Wedding ឱ្យក្រុមហ៊ុនថតរូបមួយកន្លែងជាមួយនឹងលោក មូល សារ៉ាវ៉ាន់ ជាពិធីករក្នុងស្ថាននីទូរទស្សន៍ PNN មើលទៅស្រស់ស្អាតប្លែកតែម្តង។
គ្រាន់តែឃើញសម្រស់របស់កញ្ញាពេជ្រ សូលីកា ក្នុងឈុតកូនក្រមុំបែបនេះ មានមហាជនជាច្រើនជញ្ជក់មាត់សរសើរជាខ្លាំងនូវសម្រស់កញ្ញា ជាពិសេសគ្រាន់តែឃើញរូបភាពទាំងនេះភ្លាមដឹងតែមានអ្នករមូលពោះចង់ការតែម្តង បើរូបភាពស្អាតៗបែបនេះនោះ។
ដូច្នេះមកតាមដានរូបភាពស្អាតៗរបស់កញ្ញា ពេជ្រ សូលីកាទាំងអស់គ្នា៖
ប្រភពរូបភាព៖ Image Hunter Photography