ជាការពិតណាស់ ដល់ខែបុណ្យខែភ្ជុំ ញាតិញោមបរិស័ទ និងប្រជាជនខ្មែរគ្រប់រូបតែងតែនាំគ្នាទៅវត្តប្រគេនចង្ហាន់ និងទេយ្យទានទៅកាន់ព្រះសង្ឃម ដើម្បីឧទ្ទិសកុសលជុនញាតិសណ្តានដែលបានចែកឋានទៅ។
តែជារឿងមួយដ៏គួរឱ្យហួសចិត្ត ឱ្យតែមានបុណ្យទានម្តងៗ បែរជាមានអ្នកលក់ដូរតាមផ្សារមួយចំនួនមិនខ្លាចបាបបុណ្យ ហ៊ានរកស៊ីបោកប្រាសកេងប្រវញ្ចស្លាដក់សម្រាប់ប្រគេនសង្ឃទៅវិញ ដោយរបស់របរដែលខ្ចប់នៅក្នុងស្លាដកបែរជាមានទំហំដូចជាងខាងក្រៅ និងបង្កប់ក្រដាសខាងក្នុង ពោលគឺកេងលើរបស់ធ្វើបុណ្យតែម្តង។
តាមរយៈ ភិក្ខុអត្តវត្ខិតោឃី សុឃុយ បានបង្ហោះរូបភាពភ្ជាប់នឹងសារមួយឃ្លាថា៖ « អ្នកលក់នៅតាមផ្សារមួយចំនួន គឺអាចឹង អត់ខ្លាចបាបទេ សូមជួយ share ផងដើម្បីអោយញាតិញោមគាត់ដឹង ទិញរបស់លើកក្រោយ គាត់សុំអ្នកលក់មើលរបស់ដែលគាត់ត្រូវទិញ នឹង នាក់លក់មួយចំនួនកុំអោយគាត់ធ្វើបែបណឹង »។
ដូច្នេះសង្ឃឹមថាអ្នកដែលធ្លាប់រកស៊ីបែបនេះភ្ញាក់ខ្លួនឡើង ការកេងប្រវញ្ចបែបនេះមិនធ្វើឱ្យអ្នកចំណេញ និងក្លាយជាអ្នកមានទេ មានតែខុសសីលធម៌ ហើយអាចមានបាបកម្មធ្លាក់នរកផងដែរ៕