ជាទូទៅការសាក់គឺក្រៅពីសម្រាប់អ្នកដែលរៀនមន្តអាគមន៍ សព្វថ្ងៃសាក់គឺជាសិល្បៈតុបតែងខ្លួនយ៉ាងពេញនិយមដែលមនុស្សមួយចំនួនយល់ថាអាចជួយលើកសម្រស់មួយកម្រិត ឯការសាក់មួយទៀតដើម្បីរក្សាទុកអនុស្សាវរីយ៍មនុស្សជាទីស្រលាញ់ដូចជាឈ្មោះ ឬរូបភាពជាដើម។
ជាក់ស្តែងនៅស្រុកខ្មែរយើងវិញ ថ្មីៗនេះគ្រួសារមួយបានធ្វើឱ្យអ្នកលេងបណ្តាញសង្គមមានការភ្ញាក់ផ្អើល និងអស់សំណ់ចជាខ្លាំង ដោយសារតែបុរសជាឪពុកដោយសារតែស្រលាញ់កូនស្រីពេក បានសាក់រូបកូនទុកនៅនឹងខ្នង តែពេលកូនអាយុ ៥ឆ្នាំ ពេលឃើញសាក់នេះហើយបែរជាស្រែកយំយាងខ្លាំង ព្រោះគិតថាឪពុកសាក់រូបខ្លួនមិនស្អាត រូបសាក់ឡើងធាត់ ហើយខ្មៅតែការពិតខ្លួនឯងមានសម្បុរស និងស្គម។
ការស្រែកយំមិនរំអុកមិនសុខចិត្តមិនឈប់របស់គំនិតក្មេងដែលមិនទាន់ដឹងអីមួយរូបនេះជាកូន បានធ្វើឱ្យឪពុកម្តាយអស់សំណើចជាខ្លាំង ក៏បានថតរូបភាព និងវីដេអូទុកជាការកម្សាន្តដាក់លើបណ្តាញសង្គមហ្វេសប៊ុកតែបែរជាធ្វើឱ្យគ្រប់គ្នាអស់សំណើចតាមទៅវិញ។
ដូច្នេះដើម្បីឱ្យកាន់តែជ្រាបច្បាស់សូមទស្សនារូបភាព និងវីដេអូខាងក្រោម៖