ចំណុចស្នូល ដែលធ្វើឱ្យមនុស្សភាគច្រើនមានភាគជោគជ័យនោះគឺ « ភាពស្រេកឃ្លាន»
លោក Tony Robbins គឺជាសេដ្ឋីអាមេរិក និងជាអ្នកពូកែនិយាយលើកទឹកចិត្តមនុស្សឲ្យស្វែងរកភាពជោគជ័យ ដោយលោកថែមទាំងជាអ្នកនិពន្ធសៀវភៅផងនោះ បានលើកឡើងថា « ចំណុចស្នូលដ៏សំខាន់ ដែលតែងតែជួយមនុស្សភាគច្រើនឲ្យជោគជ័យគឺ ភាពស្រេកឃ្លានរបស់ពួកគេ » ។
លោក Tony Robbins បានលើកឡើងថា ភាពស្រេឃ្លាន គឺជាកម្លាំងចលករដ៏ខ្លាំងមួយ ដែលធ្វើឲ្យមនុស្សភាគច្រើនប្ដេជ្ញាធ្វើឲ្យសម្រេចបាននូវអ្វីដែលពួកគេចង់បាន ជាពិសេសនោះគឺ ភាពស្រេកឃ្លាននេះ ធ្វើឲ្យមនុស្សតែងតែនិយាយក្នុងចិត្តថា « ខ្ញុំនឹងមិនបញ្ឈប់ ខ្ញុំនឹងមិនបោះបង់ជាដាច់ខាត » ។
លោកក៏បានលើកឡើងពី សហគ្រិនជោគជ័យល្បីៗ មួយចំនួនដូចជា លោក Richard Branson លោក Bill Gates និង លោក Steve Jobs ដែលអ្នកទាំង៣នេះ គឺសុទ្ធតែមានភាពស្រេកឃ្លាន ចង់បាន ពោលគឺ ពួកគាត់ស្រេកឃ្លាននូវមហិច្ឆតារបស់ខ្លួនដែលបានកំណត់ ដូច្នេះទើបពួកគាត់ប្រឹងប្រែងប្ដេជ្ញាចិត្ត ធ្វើឲ្យសម្រេចនូវមហិច្ឆតាដែលពួកគាត់មាន រហូតក្លាយជាបុគ្គលជោគជ័យដល់សព្វថ្ងៃនេះ។
លោក ក៏បានផ្ដល់ដំបូន្មានថា បើលោកអ្នកចង់ជោគជ័យ នោះលោកអ្នកត្រូវមានភាពស្រេកឃ្លាន គឺស្រេកឃ្លានក្នុងការស្រេចមហិច្ឆតារបស់ខ្លួន៕
ប្រភពអត្ថបទ៖ នួន អក Nourn Ork
ព័ត៌មានថ្មីៗ
