ប្រុងប្រយ័ត្នទាំងអស់គ្នា! ជួបហើយករណី លួចគប់រថយន្តពេលយប់ មានបំណងចង់ប្លន់
កាលពីមួយរយៈមុន មានប្រជាពលរដ្ឋជាច្រើនជួបគ្រោះនៅពេលយប់ ដោយសារតែមានជនខិលខូច យកខ្សែទាក់ផ្តួលម៉ូតូប្លន់ ឯខ្លះទៀតត្រូវបានគេលួចគប់ដុំថ្មទៅលើកញ្ចក់ឡានមានបំណងធ្វើឱ្យអ្នកបើកបររបួស និងបញ្ឈប់ឡានមានបំណងប្លន់។
ជាក់ស្តែងពេលនេះរឿងនេះបានផ្ទុះសារជាថ្មី ដោយមានគណនីហ្វេសប៊ុកមួយបានរៀបរាប់រឿងរ៉ាវរបស់ខ្លួនដែលបានជួបផ្ទាល់ នៅពេលធ្វើដំណើរយប់បែរជាមានជនមិនស្គាល់មុខលួចគប់រថយន្ត តែសំណាងចំគូទឡានទៅវិញ។
តាមរយៈគណនីហ្វេសប៊ុក Phalla SereyNeath បានសរសេររៀបរាប់ថា៖
« កាត់គ្រោះកាត់ចង្រៃអោយអស់ទៅចុះ ដោយសារទឹកដោះម្តាយថ្លៃហេីយដែលមិនមានអ្នកណាត្រូវអី😭ធ្លាប់តែលឺគេនិយាយ តែឥលូវប៉ះចំឡានខ្លួនឯង😭យប់មិញម៉ោងប្រហែលជា៩កន្លះ ជិះប្រហែល៨គីឡូអីទៀតទេដល់ទីរួមខេត្តពោធិ៍សាត់ តែចង្រៃអីមានគេលួចគប់ឡាន ព្រោះកន្លែងហ្នឹងស្ងាត់ណាស់😭ចោរវាចាំលួចគប់ឡានចឹងគឺវាមានបំណងចង់ប្លន់🔪🔫បេីវាគប់ទៅប៉ះចំតៃកុងឡានដឹងតែរេចង្កូតនឹងដឹងតែមានគ្រោះថ្នាក់ហេីយ បេីយេីងឈប់ឡានដឹងតែវាប្លន់ហេីយ🔫តែនេះវាគប់ប៉ះចំគូទឡាន បេីប៉ះចំហៀងឡានរឺពីមុខឡានអីដឹងតែត្រូវអ្នកជិះពីក្នុងឡានហេីយ😭ខ្លាចហេីយធ្វេីដំណេីរពេលយប់គ្មានសុវត្ថិភាពទេ😭👉បញ្ជាក់:ធ្វេីដំណេីរពីភ្នំពេញទៅកាន់ខេត្តបាត់ដំបង ផ្លូវជាតិលេខ៥ » ។
ហេតុនេះហើយ សូមឱ្យប្រជាពលរដ្ឋខ្មែរយើងមានការប្រុងប្រយ័ត្នឱ្យមែនទែនរាល់ពេលធ្វើដំណើរ ជាពិសេសការធ្វើដំណើរពេលយប់៕
Recent News
