កូរ៉េខាងត្បូង៖ តារាសម្តែងប្រុសប្រចាំប្រទេសកូរ៉េខាងត្បូង លោក លី មីនហូ (Lee Min-Ho) គឺជាតារាប្រុសដែលមានកេរ្តិ៍ឈ្មោះល្បីល្បាញខ្លាំងនៅក្នុងពិភពការសម្តែងទាំងក្នុងប្រទេស និងក្រៅប្រទេស ចំណែកឯប្រទេសកម្ពុជាយើងក៏មានអ្នកស្រលាញ់គាំទ្រមិនតិចដែរចំពោះតារាសម្តែងម្នាក់នេះ។
ការដែលមានកេរ្តិ៍ឈ្មោះល្បីល្បាញរបស់លោក លី មីនហូ គឺមិនត្រឹមតែសមត្ថភាពសម្តែងដ៏ពិសេសអស្ចារ្យរបស់លកនោះទេ តែសម្រស់របស់តារាសម្តែងប្រុសវ័យ ៣១ ឆ្នាំនេះក៏សង្ហាមិនធម្មតាដែរ ដែលអាចនិយាយបានថាឃើញត្រឹមតែស្នាមញញឹម បាក់ស្រិបតែម្តង។
លោក លី មីនហូ ត្រូវបានគេដឹងថា បាត់មុខពីវិស័យសិល្បៈ ២ឆ្នាំមកហើយ ដោយលោកត្រូវមានកាតព្វកិច្ចយោធាដល់ទៅរយៈពេលពីរឆ្នាំ តែក្រោយពីលោកបញ្ចប់កាតព្វកិច្ចនេះភ្លាមកាលពីថ្ងៃទី ២៥ ខែមេសា ឆ្នាំ ២០១៩ លោកត្រូវបានស្វាគមន៍យ៉ាងកក់ក្តៅដោយក្រុមអ្នកគាំទ្ររាប់រយនាក់នៅខាងក្រៅមជ្ឈមណ្ឌលសង្គមកិច្ចស៊ូសូនៅទីក្រុងសេអ៊ូលមើលទៅគួរឱ្យរំភើបខ្លាំង ឯសម្រស់របស់លោកនៅតែស្រស់សង្ហាដូចពីមុនដដែល។
ក្រោយត្រលប់មកប្រឡូកសិល្បៈវិញ លី មីនហូ ជាប់រវល់កិច្ចការងារជាច្រើន ដោយលោកថែមទាំងបានទទួលការងារថតខ្សែភាពយន្តភាគថ្មីផង មានការអញ្ជើញថតរូបទស្សនាវដ្តីផង រួមទាំងការងារជាច្រើនទៀត ដោយមានអ្នកគាំទ្រកំពុងតែរង់ចាំស្នាដៃសម្តែងរបស់លោកយ៉ាងអន្ទះសារ។
ដូច្នេះតោះមកដានរូបភាពថ្មីៗ របស់ លោក លី មីនហូ ពេលត្រលប់មកពីការងារបម្រើយោធាវិញថាមានសម្រស់សង្ហាយ៉ាងម៉េចខ្លះ ៖