ប្រិយមិត្តច្បាស់ជាស្គាល់ហេីយអំពីតារាចម្រៀងជេីងចាស់លោក ពូ សែម សង្វាត ដែលពេលនេះលោកពូធ្លាក់ខ្លួនឈឺ ជាទម្ងន់រហូតដល់ក្អួតឈាម ពេលនេះកំពុងតែសម្រាកនៅឯមន្ទីរពេទ្យ ជោរៃ ភ្នំពេញដែលស្ថិតនៅក្នុងខណ្ឌ ច្បារអំពៅ ក្រុងភ្នំពេញផ្ទាល់ ។នេះបេីតាមសម្ដីរបស់ម្ចាស់គណនីផ្ទាល់ឈ្មោះថា សង្វាត បញ្ញា បានរៀបរាប់ថា៖
« ថ្ងៃទី 22/11/2019 ខណៈពេលនេះបងប្រុសសែមសង្វាត កំពុងសង្គ្រោះបន្ទាន់នៅមន្ទីពេជ្យ Cho Ray Phnom Penh ដោយគាត់បានក្អួតឈាមសន្លប់។ សូមអ៊ុំពូមីងមេត្តាជួយគ្រួសារពួកយើងផង គ្រួសារខ្ញុំកំពុងជួបការខ្វះខាតថវិកា 086853279 » ។
គូសបញ្ជាក់ផងដែរថា លោក សែម សង្វាត គឺជា តារាសម្រៀងមួយរូបនៅឯក្រុម EV Band ដែលលោកជាដៃគូរបស់តារាចម្រៀងលោក បូរ វិចិត្រ ហេីយពេលនេះកំពុងតែស្ថិតក្នុងស្ថានការណ៍គ្រោះថ្នាក់ ហេីយត្រូវការជំនួយជាខ្លាំង ។ ហេីយសព្វថ្ងៃលោកត្រូវទទួលបន្ទុកគ្រួសារទាំងមូលទៀតផងដែលនេះគឺការលំបាករបស់គាត់ក្នុងនាមជាមេគ្រួសារដែលចឹញ្ចឹមអ្នកផ្ទះទាំងមូល ៕