ពិតជារឿងមួយដ៏ភ្ញាក់ផ្អើល និងអាណិតមែនទែន ដោយប្អូនប្រុសម្នាក់ ព្រោះតែជីវភាព ចង់ស្វែងរកប្រាក់បន្ថែម ខំរត់ម៉ូតូកង់៣ (PassApp) តែបែរជាប៉ះចំភ្ញៀវឆបោក ប្រើល្បិចខ្ចីទូរស័ព្ទខល តែបែរជាបន្លំយកទៅបាត់ទៅវិញ។
តាមរយៈគណនីហ្វេសប៊ុកផេក Chhun Rith Online Shop បានសរសេររៀបរាប់ថា៖ « ថ្ងៃនេះខ្ញុំជួបប្អូនប្រុសម្នាក់ដែរជាអ្នករត់ផាកស្អេបដូចគ្នា គឺត្រូវភ្ញៀវហៅផាកស្អេបជិះពីរស្ទឹងមានជ័យទៅតាខ្មៅ ទៅដល់កន្លែងធ្វើជាខ្ចីទូរស័ព្ទ បន្តិចដើម្បីខល់ទៅប្ដី ហេីយយកទូរស័ព្ទប្អូនទៅបាត់ ខ្ញុំពិតជាអាណិតប្អូនណាស់ ដឹកទៅអត់បានទាំងលុយបាត់ទាំងទូរស័ព្ទ ខំទៅជួលផាកស្អេបគេមករត់ ដេីម្បីរកលុយបន្ថែមក្នុងការចាយវាយប្រចាំថ្ងៃអាឡូវមិនដឹងប្រាប់អ្នកផ្ទះថាយ៉ាងម៉េចទេ។
ជិវិតអ្នករត់ផាកស្អេបអេីយ សូមបងប្អូនអ្នករត់ផាកស្អេបទាំងអស់មេត្តាប្រុងប្រយ័ត្នខ្ពស់យេីងមិនដឹងថាអ្នកណាអាក្រក់អ្នកណាល្អទេខ្ញុំសង្ឃឹមថាអ្នកផ្ទះប្អូននិងយល់🙏❤️️🇰🇭🇰🇭❤️️🙏 »។
រឿងរ៉ាវមួយនេះធ្វើឱ្យអ្នកលេងបណ្តាញសង្គមហ្វេសប៊ុកសម្តែងក្តីអាណិតអាសូរខ្លាំង មិននឹកស្មានថាមានអញនកហ៊ានបន្លំយករបស់អ្នកអត់បែបនេះសោះ ពិតជាគ្មានមេត្តាមែន៕