ឃើញអូនឈរមើលគេស្លៀកឈុតកូនក្រមុំហើយញញឹម សួរបងថាពេលណាយើងរៀបការ? បងបានត្រឹមលួចស្រក់ទឹកភ្នែកព្រោះបងគ្មានអ្វីសោះ តែពេលនេះអូនបានពាក់ឈុតកូនក្រមុំហេីយ
ជីវិតគូសង្សារ អ្វីដែលពួកគេរំពឹងចង់បានបំផុតនោះគឺ ការបានចាប់ដៃគ្នាឆ្លងឧបសគ្គចូលរោងការពោរពេញទៅដោយសុភមង្គលរួមគ្នា។
ជាក់ស្តែងថ្មីៗនេះ គូស្នេហ៍មួយគូបានធ្វើឱ្យគ្រប់គ្នាភ្ញាក់ផ្អើល និងមានការរំភើបខ្លាំង មិននឹកស្មានថាពួកគេមានប្រវត្តិស្នេហាពោរពេញដោយការតស៊ូបែបនេះឡើយ ដោយពួកគេបានស្គាល់គ្នាស្រលាញ់គ្នាជាយូរមកហើយ ពិសេសពេលឃើញគេរៀបការខាងស្រីតែងតែសួរខាងប្រុសថាកាលណាពួកយើងរៀបការ? តែខាងប្រុសបែរជាលួចសម្រក់ទឹកភ្នែកព្រោះតែពេលនោះខ្លួនគ្មានអ្វីទាំងអស់។
តែរយៈពេលច្រើនឆ្នាំមកហើយ ក្រោយការតស៊ូ និងចង់បំពេញបំណងមនុស្សស្រីជាទិស្រលាញ់បានធ្វើឱ្យខាងប្រុសបានប្រឹងប្រែងរហូតអាចដឹកដៃនារិជាទីស្រលាញ់ចូលរោងការ។
យោងតាមរយៈគណនីហ្វេសប៊ុកឈ្មោះ Kosal Sung បានសរសេររៀបរាប់ថា៖ « ច្រេីនឆ្នាំហេីយ ដែលអូនសួរបងថា៖ បងហាបងហា ពេលណាយេីងរៀបការ? សំនួរដែល បងស្ដាប់លឺចង់រាល់ថ្ងៃ បងតែងតែឆ្លេីយតបវិញថា៖ ជិតហេីយអូនជិតហេីយអូន បងឆ្លេីយទាំងបងគ្មានអ្វីសោះ។
ថ្ងៃមួយទៅញ៊ាំការគេ ហេីយបងឃេីញអូនឈរមេីលគេពាក់ឈុតកូនក្រមុំ ហេីយញញឹម បងមេីលអូនហេីយបងស្រក់ទឹកភ្នែក! ពេលត្រលប់មកវិញ អូនសួរបងទៀតថា៖ ពេលណាយេីងរៀបការបង! បងនៅតែឆ្លេីយថាជិតហេីយអូនពេលនេះអូនបានពាក់ឈុតកូនក្រមុំហេីយ អរគុណដែលអូនចាំបង ហេីយដេីរជាមួយបងរហូតមកដល់ពេលនេះ ពួកយេីងនឹងដេីរទៅមុខជាមួយគ្នាអស់មួយជីវិត បងនឹងធ្វេីជាប្តីល្អ សន្យាធ្វេីអោយអូនសេីចច្រេីនជាងយំ ប្តីស្រលាញ់ប្រពន្ធថ្ងៃទី២៩ ខែ១១ ឆ្នាំ២០១៩ sung kosal ស្រលាញ់ Meak Sythavattin » ៕
ព័ត៌មានថ្មីៗ
