រំភើបណាស់! ក្មេងស្រីដែលធ្លាប់ត្រូវក្រុមតារាចម្រៀងស្រីកូរ៉េល្បី Girls’ Generation ជួយសង្គ្រោះកាលពី ៨ឆ្នាំមុន បានជួបគ្នាម្តងទៀតនៅកម្ពុជា
ភ្នំពេញ ៖ កាលពី ៨ឆ្នាំ គ្រប់គ្នាប្រាកដជាបានដឹងមកហើយថា កុមារីកម្ពុជាមួយរូបដែលមានជំងឺប្រហោងបេះដូង តែគ្រួសារក្រីក្រគ្មានលុយព្យាបាល ទទួលបានសំណាងល្អទទួលបានជំនួយ ជួយសង្គ្រោះពីក្រុមចម្រៀងស្រីកូរ៉េដ៏ល្បី Girls’ Generation ដោយមានឱកាសព្យាបាលខ្លួនបន្តអាយុជីវិតរហូតដល់សព្វថ្ងៃ។
ដោយពេលនោះ ក្រុមចម្រៀងស្រី Girls’ Generation បានចេញមុខចំណាយលើថ្លៃព្យាបាលទាំងអស់ ទាំងសំបុត្រយន្តហោះម្តាយក្មេងស្រិ និងក្មេងស្រីមកកាន់ប្រទេសកូរ៉េ ថែមទាំងមកសួរសុខទុក្ខដល់មន្ទីរពេទ្យផ្ទាល់ ជាពិសេសថែមទាំអបានឡើងទៅប៉ុស្តិទូរតស្សន៍កូរ៉េល្បីផងដែរ។
តែកាន់តែភ្ញាក់ផ្អើល ៨ឆ្នាំទៅហើយ សមាជិកស្រីក្រុម Girls’ Generation គឺ Hyoyeon បានមកធ្វើការសម្ដែងនៅក្នុងកម្មវិធិ Anniversary ក្នុងក្លឹបកម្សាន្តមួយក្នុងប្រទេសកម្ពុជា ថែមទាំងបានជួបជាមួយក្មេងស្រីដែលខ្លួនធ្លាប់ជួយសង្គ្រោះកាលពីមុន ពេលធមរូបរាងក្លាយជាក្រមុំតូចគួរឱ្យស្រលាញ់ទៀតផង។
បើយោងតាមរូបភាពបានបង្ហាញថា Hyoyeon ពិតជាមានការរំភើបមែនទែន ស្ទើរតែស្រក់ទឹកភ្នែក ដែលបានជួបក្មេងស្រីដែលខ្លួនធ្លាប់បានជួយសង្គ្រោះលើទឹកដីកំណើតនាងបែបនេះ ៕
ប្រភព ៖ SNSD Cambodia Fan Union – SCFU
ព័ត៌មានថ្មីៗ
