ថ្មីៗនេះដោយសារតែវីរុសកូរ៉ូណាថ្មី បានផ្ទុះឡើងចេញពីក្រុង Wuhan ប្រទេសចិន និងបានឆ្លងរាលដាលដល់ប្រទេសដទៃនោះ មិនថាតែប្រទេសចិន និងប្រទេសនានានោះទេ សុទ្ធតែបង្កើនការពាខ្លួនទ្វេរដងពីរោគឆ្លងតាមផ្លូវដង្ហើមនេះ ដោយការពាក់ម៉ាស់តែម្តង។
ជាក់ស្តែងមិនថាតែប្រទេសខ្មែរយើងទេ សូម្បីតែប្រទេសដទៃមួយចំនួន តម្លៃម៉ាសសុទ្ធតែមានការឡើងថ្លៃ ដោយសារតែប្រទេសផលិតពោលគឺប្រទេសចិនក៏មានការឡើងថ្លៃដែរ ព្រោះតែកង្វះការផ្គង់ផ្គង់តែម្តង។
ថ្មីៗនេះផងដែរ បរវរកញ្ញាហុងកុងមួយរូប បាននឹងកំពុងតែទទួលរងការរិះគន់ខ្លាំង ដោយសារតែនាង និងមិត្តប្រុសបានប្រកាសលក់ម៉ាសថាមានតម្លៃសមរម្យមិនឡើងថ្លៃ តែពេលអ្នកគាំទ្រ និងអតិថិជនទៅទិញបែរជាឡើងថ្លៃហួសហេតុគុណនឹង ៣ ធ្វើឱ្យអតិថិជនខឹងសម្បារ និងក្តៅក្រហាយខ្លាំង។
ដោយសារតែមិនអាចទ្រាំនឹងការរិះគន់បាន បវរកញ្ញាហុងកុងឆ្នាំ ២០១០ កញ្ញា Toby Chan បានបង្ខំចិត្តឡើងទូរទស្សន៍បកស្រាយ និងឱនក្បាលសុំទោសពីកំហុសរបស់ខ្លួន ដោយថែមទាំងបានបកស្រាយថា ការឡើងថ្លៃបែបនេះមកពីនាងមិនដឹងថាមានចំនួនអ្នកទិញច្រើនដល់ថ្នាក់នេះ ដូច្នេះនឹងនឹងទាក់ទងទៅខាងផ្គត់ផ្គង់យកទំនិញបន្តទៀត ដោយសុំការអភ័យទោសពីទស្សនិកជន និងអ្នកគាំទ្រផងដែរ៕
សូមទស្សនាវីដេអូខាងក្រោម ៖