អ្នកធាត់ៗប្រហែលជាកំពុងតែសប្បាយចិត្តហើយ ដោយថ្មីៗនេះរឿងដ៏គួរឱ្យភ្ញាក់ផ្អើលមួយ ត្រូវបានប្រកាសដោយអ្នកវិទ្យាសាស្រ្តថា វ៉ាក់សាំងការពារការឡើងទម្ងន់អាចនឹងត្រូវបានផលិតឡើងនៅក្នុងពេលឆាប់ៗខាងមុខនេះ នេះបើយោងតាមរយៈសារព័ត៌មាន Dailymail។
តាមការស្រាវជ្រាវ របស់អ្នកវិទ្យាសាស្រ្តបានរកឃើញថា ការពិតទៅការធាត់ បណ្តាលពីក្នុងរាងកាយឆ្លងវីរុសម្យ៉ាងមានឈ្មោះ Adenovirous-36 ដោយវីរុសនេះ ធ្វើឱ្យរាងកាយធាត់ខ្លាំងលើសអ្នកធម្មតាដល់ទៅ ៤ដងឯណោះ ពោលគឺធ្វើឱ្យរាងកាយឡើងទម្ងន់ដល់ទៅ ១៥ភាគរយ នៃទម្ងន់រាងកាយសរុប។
បន្ថែមពីនេះ វីរុស Adenovirous-36 ត្រូវបានគេដឹងថាមិនត្រឹមតែធ្វើឱ្យរាងកាយកើនឡើងនូវជាតិខ្លាញ់នោះទេ ព្រមទាំងរាំងស្ទះនៃការបញ្ចេញចោលកាកសំណល់រាងកាយ ប៉ះពាល់ដល់ក្រពះ ពោះវៀន ថែមទាំងបណ្តាលឱ្យឧស្សាហ៍កើតជំងឺផ្តាសាយផងដែរ។ ដោយការរកឃើញវ៉ាក់សាំងនេះ ត្រូវបានគេពិសោធន៍ដោយជោគជ័យទៅលើសត្វស្វា ហើយឃើញថាមានលទ្ធផលល្អមែនទែន។
ប៉ុន្តែ បើតាមរយៈវេជ្ជបណ្ឌិត និងអ្នកស្រាវជ្រាវបានឱ្យដឹងថា វ៉ាក់សាំងនេះមិនទាន់បានដំណើរការផលិតនៅឡើយទេ ដោយនៅខ្វះខាតការផ្គត់ផ្គង់ថវិកានៃការផលិត៕
ប្រភព៖ DailyMail