អុញណោះ! តារាៗគេល្បីសឹងអីធាត់ឡើងប្រេះថ្នេរខោអាវ ចុះយើងត្រឹមរាស្ត្រសាមញ្ញទៅខ្វល់អី?
ជាការពិតណាស់ យើងបានដឹងហើយថា មានឈ្មោះជាតារា គឺត្រូវតែមានសម្រស់ស្អាត ឯរាងត្រូវតែស្លីម។ ទោះជាយ៉ាងណាសម្រស់វាជាចំណុចមួយ ឯសមត្ថភាពក៏ជាផ្នែកមួយដ៏សំខាន់ដែរ បើមានតែសម្រស់ អត់សមត្ថភាពក៏មិនបាន។
ហេតុនេះហើយ យ៉ាងណាៗ មានតារាជាច្រើននាក់ដែរហើយ មកទល់បច្ចុប្បន្នបានវិវឌ្ឍន៍ខ្លួន ក្លាយទៅជាមានរូបរាងម៉ាប់ៗ ធ្វើឱ្យអ្នកគាំទ្រមានការភ្ញាក់ផ្អើលខ្លាំង តែក៏នៅតែមានអ្នកគាំទ្រជាដដែល។
តោះមកមើលតារាស្រីណាខ្លះបែរជាបណ្តោយឱ្យរាងខ្លួនឯងម៉ាប់ៗបែបនេះខ្លះ ៖
១. CL អតីតមេក្រុម 2NE1
ទោះជួបព្យុះភ្លៀងច្រើននៅក្នុងផលិតកម្មចាស់ YG តែ CL ត្រូវបានគេដឹងថាជានារីដ៏រឹងមាំ ស័ក្តសមនឹងកិត្តិនាមធ្លាប់ដឹកនាំក្រុម 2NE1 ឱ្យឈ្មោះល្បី។ តែប្រហែលជានាងសំងំនៅក្នុងផ្ទះ ផលិតបទចម្រៀងច្រើនពេក ថែមទាំងស្ត្រេសនឹងការងារផង លេចមុខម្តងនេះ CL បែរជាមានរូបរាងធាត់មូលច្រើនស្ទើរតែមិនគួរឱ្យជឿ។ យ៉ាងណាៗអ្នកគាំទ្រនៅតែស្រលាញ់ពេញចិត្តនាងដដែល ថែមទាំងមិនប្រកាន់ទៀត។
២. Park Bom សមាជិកអតីតក្រុម 2NE1
Park Bom កាលពីមុនឃើញថានាងជាស្រីស្អាតតូចច្រលឹង តែក្រោយពីចាកចេញពីសិល្បៈប្រទះរឿងអាស្រូវសំងំក្នុងផ្ទះមួយរយៈ ហើយបានឆ្លងព្យុះភ្លៀងត្រលប់មកឆាកតន្ត្រីស្រាប់តែឃើញនាងសាច់មានឈាមជាងមុនច្រើន។ តែយ៉ាងណាអ្នកគាំទ្រនឹងនៅតែមិនប្រកាន់ ហើយថានាងមានសាច់ស្អាតម្យ៉ាងដែរតើ សំខាន់សំឡេងនាងនៅពិរោះ ហើយសម្រស់ស្អាតដដែល។
៣. Yang Zi
តារាសម្ដែងស្រីជួរមុខចិន Yang Zi ត្រូវបានគេសើច និងរិះគន់ ក្រោយស្លៀករ៉ូបរោមសត្វជ្រុះរោមលើឆាក ហើយរ៉ូបនាងត្រូវប្រេះថ្នេរទៀត ព្រោះតែនាងមើលទៅធាត់ជាងមុន៕
Recent News
