អ្នកទិញម៉ាសពេទ្យប្រយ័ត្នឱ្យមែនទែន! ប្រភពពីប្រទេសវៀតណាម អ្នកលក់បានក្លែងបន្លំយកម៉ាសប្រើហើយមកលក់ឡើងវិញ
ដោយសារតែវីរុសថ្មី ឆ្លងតាមខ្យល់ ផ្លូវដង្ហើម និងទឹកមាត់ មានសន្ទុះកាន់តែខ្លាំង ម៉ាស់គ្រប់ប្រភេទត្រូវបានគេពេញនិយមយកមកពាក់ការពារសុខភាពខ្លួនឯង ថែមទាំងធ្វើឱ្យមានឈ្មួញជាច្រើនបានប្រមូលទិញយក យកមកលក់តម្លៃថ្លៃជាខ្លាំង។
នៅក្នុងនោះម៉ាស់ពេទ្យក៏ជាម៉ាសដ៏ពេញនិយមមួយផងដែរ បើទោះបីជាវាអាចពាក់បានរយៈពេលខ្លី តែវាក៏អាចការពារពីរោគឆ្លងបាន ហើយថែមទាំងមានតម្លៃថោកទៀតផង ដោយម៉ាសនេះភាគច្រើនផលិតពីប្រទេសចិន និងវៀតណាម។ តែដោយសារតែមានតម្រូវការខ្លាំង ម៉ាស់នេះកុំថាតែឈ្មួញទិញមកលក់ តែអ្នកទិញមកប្រើក៏ពិបាករកដែរ ដោយសារតែរោងចក្រនៅចិនមួយចំនួនបានបិទទ្វារ កម្មករសម្រាក ឯរោងចក្រដែលនៅសល់ខំប្រឹងផលិតដើម្បីបំពេញតម្រូវការប្រទេសចិនរបស់ខ្លួនដែលកំពុងតែរាតត្បាតវីរុសថ្មី។
ចំណែកឯប្រទេសចិន និងវៀតណាមក៏បានរឹតត្បិតការនាំចេញតាមព្រំដែន និងតាមជើងយន្តហោះ ក៏បានធ្វើឱ្យឈ្មួញជាច្រើនមានការខាតបង់ប្រាក់យ៉ាងធ្ងន់ធ្ងរផងដែរ តែអ្វីកាន់តែហួសចិត្ត តាមប្រភពក្រៅផ្លូវការ ឬពាក្យចចាមអារ៉ាមបាននិយាយថា មានជនខិលខូចមួយចំនួនបានយកម៉ាស់ដែលគេប្រើហើយយកមកដាក់លក់វិញ ។
ដូច្នេះទោះពិត ឬមិនពិតក៏ដោយ អ្នកក៏គួរតែមានការប្រុងប្រយ័ត្នខ្ពស់ឱ្យមែនទែន រាល់ពេលមានការបញ្ជាលក់ ឬទិញ ម៉ាស់ពេទ្យ៕
ព័ត៌មានថ្មីៗ
