ថ្មីៗនេះ កុមារាមួយរូប ដែលទើបតែមានអាយុ ៩ឆ្នាំ មានឈ្មោះថា Quaden Bayles និងបានរស់នៅជាមួយម្តាយឈ្មោះ Yarraka នៅក្នុងតំបន់់ Brisbane ប្រទេសអូស្ត្រាលី បានតូចចិត្តនឹងត្រូវក្រុមមិត្តភក្តិមើលងាយធ្វើបាបព្រោះតែខ្លួនកើតមកមានសប្បទាខុសប្រក្រតី ពោលគឺតឿ ក្រិន (Achondroplasia) បានស្រែកយំយ៉ាងខ្លាំងទាមទារសុំខ្សែពីម្តាយយកមកចង-ក សម្ល ា ប់ ខ្លួន និងចង់ឱ្យនរណាម្នាក់យក កាំ បិ ត មកសម្លា ប់ ខ្លួន មក រហូតធ្វើឱ្យម្តាយកើតចិត្តអាណិតខ្លាំងថតបង្ហោះលើបណ្តាញសង្គមហ្វេសប៊ុក បានធ្វើឱ្យគ្រប់គ្នារំជួលចិត្តជាខ្លាំង។
វីដេអូដែលម្តាយរូបនេះបានបង្ហោះ បានធ្វើឱ្យពិភពលោកខ្លោចចិត្តជាខ្លាំង ដែលត្រឹមតែជាក្មេងតូចបែរជាត្រូវក្មេងៗដទៃមើលងា យ មើល ថោ ក ដល់ថ្នាក់នេះ រហូតធ្វើឱ្យបណ្តាអ្នកលេងបណ្តាញសង្គមជាច្រើនបាននាំគ្នានិយាយលើកទឹកចិត្តក្មេងប្រុសឱ្យតស៊ូបន្ត ដោយក្នុងនោះសូម្បីតែតារាសម្តែង រួមទាំងតារាបាល់ទាត់ល្បីៗ ដូចជា NRL star Latrell Mitchell Hugh Jakcman និង Jeffrey Dean Morgan ក៏បានថតវីដេអូលើកទឹកចិត្តក្មេងប្រុសគួរឱ្យអាណិតនេះផងដែរ។
អ្វីដែលកាន់តែរំជួលចិត្ត ពេលនេះរឿងរ៉ាវកម្សត់របស់ក្មេងប្រុសម្នាក់នេះ បានធ្វើឱ្យ តារាកំប្លែង Brad Williams ដែលជាតារាក្រិនម្នាក់ដែរ បានផ្តើមបង្កើតជាមូលនិធិមួយនៅលើវេបសាយ GoFundMe ដើម្បីស្វែងរកប្រាក់បរិច្ចាក ក្នុងការបញ្ជូនក្មេងប្រុស Quaden មកដើរលេងនៅសហរដ្ឋអាមេរិច និងមកកម្សាន្តនៅសួនកម្សាន្ត Disneyland ដោយបំណងមួយនេះ គឺដោយសារតែលោក ចង់ឱ្យក្មេងប្រុស Quaden ដឹងថាការចំអកមើលងាយមើលថោក វាមិនអាចកើតមានរហូតនោះទេ ហើយក្មេងប្រុសម្នាក់នេះគឺដូចតែមនុស្សធម្មតាទូទៅដែរ ដែលប្អូនពិតជាសមគួរនឹងទទួលបានភាពរីករាយដូចគេដូចឯង ដូច្នេះហើយបានជាលោកចង់ឱ្យម្តាយកូនទាំង២ បានមកលេងសហរដ្ឋអាមេរិក គេងនៅក្នុងសណ្ឋាគារល្អៗ ពិសេស បានទៅកម្សាន្តនៅសួន Disneyland។
តែគួរឱ្យរីករាយ ពេលនេះមូលនិធិ សម្រាប់ក្មេងប្រុសកម្សត់នេះឡើង ដល់ជាង៣ម៉ឺនដុល្លាហើយ និងកំពុងកើនឡើងជាបន្តបន្ទាប់ ដែលប្រាក់ដែលរំពឹងទុកត្រឹមតែ ១ម៉ឺនដុល្លាប៉ុណ្ណោះ ដោយប្រាក់ដែលសេសសល់តារាកំប្លែង Brad Williams នឹងបរិច្ចាកបន្តទៅមូលនិធិប្រឆាំងការមើលងាយមើលថោកបន្តទៀត៕
ប្រភព៖DailyMail
សូមទស្សនាវីដេអូខាងក្រោម ៖