តូក្យូ-ជប៉ុន៖ ថ្មីៗនេះដោយសារតែវីរុសថ្មី ហាក់បានគំរាមកំហែងទូទាំងប្រទេសទាំងអស់គួរឱ្យបារម្ភ ហេតុនេះហើយនាថ្ងៃព្រហស្បតិ៍ ទី ២៧ នេះ រដ្ឋាភិបាលប្រទេសជប៉ុន បានសម្រេចចិត្តបិទទ្វារសាលារៀនរៀនទូទាំងប្រទេស រហូតដល់ខ្ទង់ខែមេសា ឆ្នាំ ២០២០ នេះ ដើម្បីបង្ការការរីករាលដាលនៃវីរុសថ្មី Covid-19 នេះបើយោងតាមរយៈសារព័ត៌មាន Japan Today ។
លោកនាយករដ្ឋមន្ត្រីជប៉ុន លោក Shinzo Abe បានឱ្យដឹងថា សាលារៀនទាំងអស់នឹងត្រូវតម្រូវឱ្យឈប់សម្រាកទាំងអស់ទាំង កម្រិតបឋមសិក្សា មធ្យមសិក្សា និងថ្នាក់កម្រិតខ្ពស់ លើកលែងតែសាលាថែទាំទារក និងកុមារតែប៉ុណ្ណោះដែលនៅតែដំណើរការជាធម្មតា។
ការសម្រេចចិត្តឱ្យសិស្សានុសិស្សឈប់សម្រាកនោះ រដ្ឋាភិបាលបានឱ្យដឹងថា វាជាប្រកាដែលមិនអាចចៀសផុតបាននោះទេ បើទោះបីសាលាត្រូវតែមានកិច្ចការរៀបចំកម្មវិធីបញ្ចប់ការសិក្សានាពេលឆាប់ៗនេះក៏ដោយ ដោយសារតែការឆ្លងវីរុស Covid-19 ហាក់មានការរីករាលដាលកាន់តែខ្លាំងឡើង ហើយការដែលអនុញ្ញាតិឱ្យសិស្សនៅតែបន្តការសិក្សា ដែលមានលក្ខណៈប្រមូលផ្តុំគ្នាដែលមានសិស្ស និងគ្រូច្រើនលាយឡំគ្នាអាចធ្វើឱ្យប្រឈមមុខនឹងការរីករាលដាលកាន់តែខ្លាំងមួយកម្រិតទៀត។
គួរឱ្យដឹងផងដែរថា ពេលនេះប្រទេសជប៉ុនមានករណីអ្នកផ្ទុកវីរុស Covid-19 ប្រមាណជា ៨៩០ ករណីដែលក្នុងនោះមាន ៧០៥ ពីនាវាទេសចរណ៍ Diamond Princess ៕
ប្រភព៖ JapanToday