ជំងឺទឹកនោមផ្អែមទាំងប្រភេទទី១ និងទី២ ត្រូវបានដឹងថាជាជំងឺមួយដែលកើតមានច្រើនចំពោះប្រជាជនខ្មែរបច្ចុប្បន្នរួមទាំងជំងឺលើសឈាម ដោយការកើតជំងឺទាំងនោះបណ្តាលពីរបបអាហារទទួលទាន និងរបៀបរស់នៅប្រចាំថ្ងៃ។
នៅក្នុងនោះមិនទាន់មានថ្នាំ ឬវិធីព្យាបាលនៅឡើយនោះទេសម្រាប់អ្នកជំងឺទឹកនោមផ្អែម ដោយត្រឹមមានថ្នាំបញ្ចុះជាតិស្ករ ដែលត្រូវលេបអស់មួយជីវិត និងការចាក់អាំងស៊ុយលីនប៉ុណ្ណោះ ដែលអាចទប់ទល់ និងជួយសុខភាពអ្នកកើតជំងឺទឹកនោមផ្អែម។
យ៉ាងណា ពេលនេះអាចថាជារឿងមួយដ៏រីករាយ ដោយពេលនេះអ្នកវិទ្យសាស្តបានរកឃើញវិធីព្យាបាលជំងឺទឹកនោមផ្អែមហើយ ថែមទាំងពិសោធន៍ព្យាបាលឱ្យកណ្តុរមួយក្បាលជាសះស្បើយត្រឹមតែរយៈពេល២សប្តាហ៍ផងដែរ។
ដោយការស្រាវជ្រាវរនេះ ត្រូវបានកឃើញដោយអ្នកវិទ្យាសាស្រ្តមួយរូប នៅក្នុងសកលវិទ្យាល័យ Washington University School of Medicine ក្នុងរដ្ឋ St. Louis សហរដ្ឋអាមរិច ថែមទាំងបានប្រកាសឱ្យដឹងកាលពីថ្ងៃទី ២៤ កុម្ភៈ ថាបានព្យាបាលកណ្តុរមួយក្បាលដោយជោគជ័យ ដោយប្រើវិធី បំលែង Stem Cells ឈាមរបស់មនុស្សជាអាំងស៊ុយលីន ដើម្បីព្យាបាលជំងឺទឹកនោមផ្អែមឱ្យជាសះស្បើយប្រើពេលត្រឹម២សប្តាហ៍ប៉ុណ្ណោះ។
គួរឱ្យដឹងផងដែរថា វិធីពិសោធន៍លើកដំបូងដ៏ជោគជ័យលើសត្វកណ្តុរនេះ បានធ្វើឱ្យអ្នកវិទ្យាសាស្រ្តមានសង្ឃឹមថានឹងអាចព្យាបាលលើមនុស្សបាន ហើយវាក៏បានក្លាយទៅជាក្តីសង្ឃឹមសម្រាប់អ្នកជំងឺទឹកនោមផ្អែម ៤០០លាននាក់ទូទាំងពិភពលោកផងដែរ៕
ប្រភព៖ DailyMail