ផុតព្រួយបារម្ភហើយ! ដំណឹងល្អភ្ញាក់ផ្អើល អ្នកនាំពាក្យរដ្ឋាភិបាលបានឱ្យដឹងថា ថ្នាំវ៉ាក់សាំងការពារ Covid-19 នឹងដឹកពីចិនមកស្រុកខ្មែរចុងខែមីនានេះហើយ
ថ្មីៗនេះដោយសារតែមានជនជាតិខ្មែរមួយរូបបានឆ្លងវីរុស Covid-19 ពីជនជាតិជប៉ុន បានធ្វើឱ្យមហាជនមានការព្រួយបារម្ភខ្លាំង ខ្លាចការរាលដាលនៃវីរុសនេះ ដោយនាំគ្នាទិញស្បៀង ទិញម៉ាស ទឹកលាងដៃ និងអាល់កុលជាច្រើនដើម្បីការពារសុខភាព។
ទោះជាយ៉ាងណាអាចជារឿងមួយដ៏រីករាយ នាព្រឹកថ្ងៃទី ៩ ខែមីនា ឆ្នាំ ២០២០ នេះ អ្នកនាំពាក្យរដ្ឋាភិបាល លោក ផៃ ស៊ីផាន ប្រធានអង្គភាពអ្នកនាំពាក្យរាជរដ្ឋាភិបាល បានប្រកាសបញ្ជាក់នៅក្នុងការថ្លែងនៅក្នុងសន្និសីទសារព័ត៌មានថា ប្រទេសចិនបានរកឃើញថ្នាំសម្រាប់ការពារ Covid-19 ហើយ នឹងនាំមកកម្ពុជានៅចុងខែមីនានេះ។
បន្ថែមពីនោះរាជរដ្ឋាភិបាលកម្ពុជា បានត្រៀមប្រាក់៤០០លានដុល្លារអាមេរិក ដើម្បីព្យាបាលវីរុស Covid-19 ពិសេសសម្តេច ហ៊ុន សែន ប្រកាសនឹងអញ្ជើញទៅកាន់ខេត្តសៀមរាបឆាប់ៗនេះដើម្បីកុំឱ្យពលរដ្ឋភ័យខ្លាច និងលើកទឹកចិត្តពលលរដ្ឋផងដែរ។
គួរឱ្យដឹងផងដែរថា ព័ត៌មាននេះ ជាព័ត៌មានច្បាស់ការ ក្រោមការលើកឡើងរបស់អ្នកនាំពាក្យរបស់រាជរដ្ឋាភិបាលក្នុងសន្និសីទសារព័ត៌មានរៀបចំដោយអង្គភាពអ្នកនាំពាក្យរាជរដ្ឋាភិបាលកម្ពុជា៕
ព័ត៌មានថ្មីៗ
