នៅក្នុងសន្និសិទសារព័ត៌មានក្រសួងសុខាភិបាល ដែលបានធ្វើឡើងនៅថ្ងៃទី ១៨ ខែ មីនា នេះ លោកជំទាវរដ្ឋលេខាធិការ ឪ វណ្ណឌីន បាននិយាយថា ការធ្វើតេស្ដរកមេរោគ COVID-19 គឺមិនតម្រូវឱ្យបង់ប្រាក់នោះទេ ទោះបីជាមានឬគ្មានផ្ទុកវីរុស COVID-19 នេះក្ដី ។
លោកជំទាវបានលើកឡើងដូច្នេះក្រោយប្រព័ន្ធផ្សព្វផ្សាយមួយចំនួនដែលថា មានការយកប្រាក់លើការធ្វើតេស្តរក COVID-19 ។
នេះជាការបញ្ជាក់ជាលើកទី៣ របស់ក្រសួងសុខាភិបាល ដើម្បីឆ្លើយតបនឹងការផ្សព្វផ្សាយដែលថា ការធ្វើតេស្តយកប្រាក់។
លោកជំទាវ បានបន្ថែមថា ការធ្វើតេស្តគឺមិនយកប្រាក់សូម្បីតែមួយរៀល បើទោះជាចេញលទ្ធផលយ៉ាងណាក៍ដោយ ៕