ជាការពិតណាស់ បើនិយាយពីអ្នកដែលស្រករអាយុ ៣០ ចុះក្រោម ត្រូវបានគេនិយមហៅថាក្មេងសំម័យឆ្នាំ ៩០ ដែលជាយុគសម័យមិនទាន់មានបច្ចេកវិទ្យាជៀនលឿន គ្មានទូរស័ព្ទដៃទំនើប មិនសូវមានកំព្យូរទ័រប្រើប្រាស់ច្រើនបើកដំហរដួចពេលនេះឡើយ ឯនំចំណីក៏មិនមានរបស់ទំនើបដូចសព្វថ្ងៃ តែអាចនិយាយថាជាសម័យយុវភាពដ៏សប្បាយរីករាយ ដោយមិនបាច់ត្រូវការសំភារនិយមជាថ្នូរឡើយ។
នៅក្នុងយុគសម័យខ្ទុង់ ៩០ ( ៩០ ដល់ ៩៩) ភាគច្រើននំចំណី គឺជាអាហារនៅក្នុងស្រុក បែបស្រុកស្រែចំការ និងមានការនាំចូលនំចំណីពីប្រទេសជិតខាងមួយចំនួនដែរ ដោយអាហារសម្រាប់ក្មេងៗជំនាន់នោះមិនមានតម្លៃថ្លៃឡើយ ថែមទាំងមានរសជាតិឆ្ងាញ់ពិសេស បើនិយាយមកទល់ពេលនេះអាចចាត់ទុកថាជាអនុស្សាវរីយ៍ដ៏ល្អកាលពីវ័យកុមារដែលមិនអាចបំភ្លេចបានផងដែរ។
ដូច្នេះដើម្បីនាំអារម្មណ៍មិត្តអ្នកអាន អ្នកកើតខ្ទង់ឆ្នាំ ៩០ ត្រលប់មករំលឹកវ័យកុមារដ៏រីករាយ ថ្ងៃនេះយើងខ្ញុំនឹងនាំលោកអ្នកមើលអាហារពេញនិយមសម្រាប់ក្មេងៗសម័យនោះដូចខាងក្រោម ៖