កម្មវិធី TikTok ត្រូវបានចោទប្រកាន់ថាមិនបានធ្វើការកែសម្រួលកម្មវិធី ដើម្បីការពារឯកជនភាពរបស់កុមារដូចបានសន្យា

កម្មវិធី TikTok ត្រូវបានចោទប្រកាន់ថាមិនបានធ្វើការកែសម្រួលកម្មវិធី ដើម្បីការពារឯកជនភាពរបស់កុមារដូចបានសន្យា

សព្វថ្ងៃនេះ កម្មវិធី TikTok គឺជាកម្មវិធីមួយដ៏ល្បីល្បាញ ដែលមនុស្សគ្រប់រូបមិនថាចាស់ឬក្មេងតែងតែថតលេងទៅតាមបទភ្លេងផ្សេងៗដើម្បីបំបាត់ភាពអផ្សុក។ កម្មវិធីនេះផងដែរ គឺទទួលបានការគាំទ្រយ៉ាងខ្លាំងជុំវិញពិភពលោក ប៉ុន្តែក៏មានមនុស្សមួយចំនួនធំផងដែរ មានការមិនពេញចិត្តទៅលើកម្មវិធីនេះ។

TikTok
សូមចុចលើរូបភាពដើម្បីពង្រីករូបភាព

ស្រាប់តែអំបាញមិញនេះ ហ្វេសប៊ុកផេក នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department បានបង្ហោះទាក់ទងនឹង ក្រុមហ៊ុន TikTok ថាមិនបានធ្វើការកែសម្រួលកម្មវិធី ដើម្បីការពារឯកជនភាពរបស់កុមារដូចបានសន្យា ដោយផេកនេះបានសរសេរថា៖

“ក្រុមអ្នកគាំពារកុមារបានចោទប្រកាន់ក្រុមហ៊ុន TikTok ថាមិនបានធ្វើការកែសម្រួលកម្មវិធី ដើម្បីការពារឯកជនភាពរបស់កុមារដូចបានសន្យា

យើងបានដឹងហើយថាកម្មវិធី TikTok គឺជាកម្មវិធីដ៏ពេញនិយមមួយសម្រាប់ថត និងចែកចាយវីដេអូឃ្លីបខ្លីៗជារបៀបច្រៀងតាម (lip-syncing video) មិនត្រឹមតែនៅក្រៅប្រទេសនោះទេ ថែមទាំងមាននៅក្នុងប្រទេសកម្ពុជាយើងផងដែរ ជាពិសេសក្នុងចំណោមក្មេងៗដែលមិនទាន់គ្រប់អាយុ។ ដោយសារតែហេតុផលទាំងនេះហើយបានជាក្រុមអ្នកគាំពារកុមារ មានការព្រួយបារម្ភជាមួយនឹងកម្មវិធីនេះ ក៏ព្រោះតែកម្មវិធីនេះពុំមានគោលការណ៍ក្នុងការ ការពារឯកជនភាពរបស់កុមារ។

97645418_2844794275590163_8583299816715452416_n
សូមចុចលើរូបភាពដើម្បីពង្រីករូបភាព

កាលពីឆ្នាំកន្លងទៅ ក្រុមហ៊ុន Musical.ly ដែលជាក្រុមហ៊ុន TikTok បានទិញ និងបញ្ចូលជាក្រុមហ៊ុនតែមួយនោះ ត្រូវបានរកឃើញថាបានបំពានលើច្បាប់ឯកជនភាពរបស់កុមារនៅលើប្រព័ន្ធអុីនធឺណេត ព្រោះបានទាញយកទិន្នន័យដូចជា ឈ្មោះ អុីមែល វីដេអូ និងព័ត៌មានផ្ទាល់ខ្លួនផ្សេងៗទៀតពីអ្នកប្រើប្រាស់ដែលមានវ័យតិចជាង១៣ឆ្នាំ ដោយមិនមានការឯកភាពពីអាណាព្យាបាលរបស់ពួកគេ។ ជាងនេះទៅទៀតគេក៏បានរកឃើញថា ប្រូហ្វាល់របស់អ្នកប្រើប្រាស់ត្រូវបានដាក់ឱ្យឃើញជាសាធារណៈ ដែលជាហេតុនាំឱ្យមនុស្សពេញវ័យមួយចំនួនបានប្រើកម្មវិធីនេះ ដើម្បីធ្វើការផ្ញើសារទាក់ទងទៅក្មេងៗទាំងនោះ។ ក្រុមហ៊ុន TikTok បានយល់ព្រមធ្វើកំណែកំហុសឆ្គងទាំងនោះ ប៉ុន្តែគិតមកដល់ពេលនេះ ក្រុមហ៊ុននៅមិនទាន់ធ្វើការកែប្រែទៅលើកម្មវិធីរបស់ខ្លួននៅឡើយទេ។

នាយកដ្ឋានប្រឆាំងបទល្មើសបច្ចេកវិទ្យា សូមណែនាំដល់អាណាព្យាបាល ឱ្យមានការប្រុងប្រយ័ត្នចំពោះកូនៗរបស់ខ្លួនក្នុងការប្រើប្រាស់កម្មវិធីនៅតាមបណ្តាញសង្គមផ្សេងៗ ជាពិសេសកម្មវិធី TikTok សូមមានការណែនាំពួកគាត់កុំឱ្យប្រើប្រាស់កម្មវិធីទាំងនោះច្រើនពេក និងតាមដានពីសកម្មភាពរបស់ពួកគាត់ឱ្យបានជាប់លាប់ ព្រោះវានាំឱ្យខាតពេលវេលារៀនសូត្រ និងអាចនាំមកនូវផល់ប៉ះពាល់ផ្សេងៗទៀតផង៕”

Loading...