ហែកការុងចាក់អង្ករចូលធុងភ្លាម កុំភ្លេចដាក់ខ្ទឹម ២-៣ កំពឹសពីលើ ដើម្បីបានប្រយោជន៍ធំនេះ
តើនឹងមានរឿងអ្វីកើតឡើង បើយើងដាក់ខ្ទឹមសប៉ុន្មានកំពឹស ដែលមិនទាន់បក ទៅក្នុងធុងអង្ករ? សាកល្បងការអនុវត្តនេះ អ្នកនឹងទទួលបានលទ្ធផលដ៏ភ្ញាក់ផ្អើលដូចខាងក្រោម៖
នៅពេលទិញអង្ករ មនុស្សជាច្រើនរមែងហែកការុងចាក់អង្ករទៅក្នុងធុង ហើយបើអ្នកឆ្លាត អាចដាក់បន្ថែមខ្ទឹមស ២-៣ កំពឹសតាមបរិមាណអង្ករតិចច្រើន ទៅក្នុងធុងនោះដាក់ពីលើអង្ករទៀតគឺកាន់តែល្អ។
ការធ្វើបែបនេះ គឺវាអាចមានប្រសិទ្ធភាពការពារមិនឲ្យមានសត្វល្អិតមកចូលស៊ីអង្ករ ជួយឲ្យអង្ករមានគុណភាពរក្សាទុកបានយូរ និងមានសុវត្ថិភាពដល់សុខភាពអ្នកទទួលទាន។ របស់ម្យ៉ាងទៀតគឺម្ទេសក្រៀម ដែលវាក៏មានប្រសិទ្ធភាពដូចជាខ្ទឹមសអ៊ីចឹងដែរ។
បញ្ជាក់ថា ដោយសារតែអង្ករជារបស់ងាយស្រូបយកក្លិន ដូច្នេះចូរកុំដាក់របស់មួយចំនួននៅក្បែរនោះ ដូចជាប្រេងកាត ឬរបស់ក្លិនមិនល្អឲ្យសោះ ព្រោះអង្ករនឹងឆាប់ឡើងក្រពុល។ យកល្អគួរដាក់នៅកន្លែងត្រជាក់ ស្ងួតជានិច្ច ជៀសវាងកន្លែងមានសំណើមនិងក្តៅខ្លាំង។
ដូច្នេះសរុបមក ការដាក់ខ្ទឹមសប៉ុន្មានកំពឹសទៅលើអង្ករ ក្នុងធុង របៀបនេះ គឺអាចបញ្ចៀសសត្វល្អិតផ្សេងៗមិនឲ្យចូលមកស៊ីអង្គរ ហើយក៏លើកគុណភាពអង្ករឲ្យកាន់តែល្អ មុនពេលអ្នកយកទៅទទួលទាន។ បើគ្រួសារដែលទទួលទានអង្ករយូរខែ ទើបងាយអស់ គួរតែមានទម្លាប់ធ្វើបែបនេះ ព្រោះដើម្បីរក្សាគុណភាពអង្ករឲ្យនៅបានយូរ៕
ប្រភព៖ បរទេស | ប្រែសម្រួល៖ ក្នុងស្រុក
Recent News
