ប្រសិនបើអ្នកឃើញកូនរបស់អ្នកពិបាកដកដង្ហើមតើអ្នកអាចជួយពួកគេបានយ៉ាងដូចម្តេច? វិធីសាស្ត្រនេះត្រូវបានគេអនុវត្តតាំងពីសតវត្សទី ១៩ ប៉ុន្តែមានមនុស្សមួយចំនួនសំគាល់ថាវាអាចជួយបានយ៉ាងមានប្រសិទ្ធភាព
ថ្វីបើការពិតកុមារភាគច្រើនស្ថិតនៅក្រោមការមើលថែរបស់មនុស្សចាស់ក៏ដោយវត្ថុអ្វីមួយអាចចូលតាមបំពង់ករបស់ពួកគេយ៉ាងងាយស្រួល។ ការជួយសង្រោះបន្ទាន់គឺជាអ្វីដែលមនុស្សគ្រប់គ្នាអាចរៀននិងគួរតែរៀនផងដែរ។
១. ត្រូវសង្កេតមើលថាកូនរបស់អ្នកមានការស្ទះដង្ហើម
សញ្ញារបស់ការថប់ស្ទះខ្យល់មានមានច្រើនខុសៗគ្នា៖
ប្រសិនបើកុមារកំពុងដកដង្ហើមប៉ុន្តែក៏ក្អកដែរនោះមានន័យថាវាមានផ្នែកខ្លះនៃផ្លូវដង្ហើម។ គេត្រូវតែបន្តក្អកដើម្បីបំបាត់វត្ថុដែលជាប់គាំងនៅបំពង់ក។ ហើយវាក៏អាចបង្ករឱ្យកុមារក្អួតផងដែរ ដោយសារតែមានវត្ថុអ្វីមួយជាប់ក្នុងបំពង់ករបស់គេ។ ប្រតិកម្មធម្មជាតិទាំងនេះនៃរាងកាយនឹងជួយសម្អាតបំពង់ករបស់កុមារដោយមិនចាំបាច់មានបច្ចេកទេសពិសេស។
ដំណាក់កាលដ៏លំបាកក្នុងការដកដង្ហើម។ ប្រសិនបើកុមារឈប់ក្អក ហើយស្រែកឬបញ្ចេញសំលេងផ្សេងៗទៀតវាមានន័យថាមានអ្វីដែលស្ទះជាប់នៅក្នុងបំពង់ខ្យល់របស់គេ។ សំឡេងមិនច្បាស់ឬមិនមានសំឡេងក៏អាចបង្ហាញពីការរាក់មួយនេះផងដែរ។
ការផ្លាស់ប្តូររបស់ស្បែកភ្លាមៗទៅជាពណ៌ខៀវដែលមានពណ៌ខៀវឬក្រហម ពិបាកក្នុងការដកដង្ហើម។ ពេលខ្លះពួកគេអាចបាត់បង់ស្មារតីក៏ថាបាន។
ដើម្បីជួយកូនរបស់អ្នកនោះគួរតែតាំងអារម្មណ៍ រួចហើយហៅរថយន្តសង្គ្រោះបន្ទាន់ភ្លាមៗ។ កុំព្យាយាមយកដៃរបស់អ្នកលូកយកវត្ថុដែលនៅក្នុងមាត់កូនរបស់អ្នក។ ដោយសារវាអាចធ្វើឱ្យវត្ថុនោះចូលកាន់តែជ្រៅ។ យកវត្ថុចេញពីមាត់ប៉ុណ្ណោះប្រសិនបើអ្នកអាចឃើញវា។ ប្រសិនបើអ្នកឃើញកូនរបស់អ្នកដាក់វត្ថុរឹងណាមួយមិនថាតូចឬធំនោះទេ ត្រូវយកចេញពីមាត់កូនរបស់អ្នកយ៉ាងរហ័ស កុំឱ្យមានបញ្ហាណាមួយកើតឡើង។
ដំណោះស្រាយសម្រាប់ក្មេងក្រោមអាយុ១ឆ្នាំ
ទារកភាគច្រើនស្លាក់អាហារ ឬក៏ក្អួត។ ហានិភ័យដែលកុមារស្លាក់កើតមាននៅពេលដែលពួកគេឃ្លានខ្លាំងពេកហើយគេខំប្រឹងបៅលឿន ហើយធ្វើឱ្យពួកគេមិនអាចផឹកទាន់។ នេះក៏អាចកើតឡើងនៅពេលដែលអាហារដែលយើងឱ្យគេញ៉ាំមិនកិនឱ្យម៉ដ្ឋល្អ។
មានវិធីសាស្រ្តជាច្រើនដើម្បីជួយសង្គ្រោះជីវិតកូនរបស់អ្នកនៅក្នុងស្ថានភាពបែបនេះ។
- ដាក់ទារកនៅលើដៃរបស់អ្នកដោយពោះរបស់គេចុះក្រោមហើយដាក់ក្បាលរបស់ទារកចុះក្រោម។ ទះខ្នងថ្នមៗចំនួន៥ ដង នៅចន្លោះស្មាដោយប្រើដៃរបស់អ្នក។ ធ្វើបែបនេះដើម្បីឱ្យវត្ថុដែលស្លាក់នោះចេញមកតាមមាត់វិញ។
- ដាក់ទារកឱ្យគេងនៅលើខ្នងរបស់គេ រូចហើយដាក់ក្បាលតម្រង់ចុះក្រោម។ យកម្រាមដៃកណ្តាលនិងចង្អុលរបស់អ្នកទ្រូង ៥ ដងនៅក្រោមទ្រុងឆ្អឹងជំនីរបស់គេ។
ដំណោះស្រាយសម្រាប់ក្មេងចាប់ពីអាយុ ១ឆ្នាំ
សម្រាប់ក្មេងធំ ៗ អ្នកត្រូវអនុវត្តនីតិវិធីសង្គ្រោះផ្សេងៗគ្នា។
- យកដៃរបស់អ្នកទៅក្ដោបទ្រូងរបស់កុមាររួមលើគេឡើង។ រឹតនៅក្រោមស្មាហើយប្រអប់ដៃរបស់យើងចំឆ្អឹងជំនី ហើយធ្វើវាចំនួន ៥ដង។
- ប្រសិនបើជាក្មេងតូចអ្នកគួរតែបញ្ឈរជង្គង់ហើយដាក់ទ្រូងក្មេងពីលើក្បាលជង្គង់របស់អ្នក។ ចាប់ចង្កេះរបស់ពួកគេដោយប្រើដៃទាំងពីររបស់អ្នក។ ទុកដាក់មួយច្របាច់ដដែលយើងយកដៃមួយទៀតមកគោះខ្នងរបស់គេ។ ហើយតប់ខ្នង់របស់គេរហូតទាល់តែរត្ថុដែលស្ទះនោះចេញមកក្រៅ។
របៀបការពារដើម្បីកុំឱ្យកូនរបស់ស្លាក់
ដើម្បីកាត់បន្ថយគ្រោះថ្នាក់នៃកាស្លាក់អាហារឬវត្ថុផ្សេងសម្រាប់កូនអ្នកអ្នកអាចអនុវត្តវីធីសាស្ត្រទាំងនេះ។
- មើលថែរក្សាកូនរបស់អ្នកដើម្បីឱ្យប្រាកដថាពួកគេមិនដាក់អ្វីៗគ្រប់យ៉ាងនៅក្នុងមាត់របស់ពួកគេ។
- កុំអោយពួកគេលេងជាមួយរបស់លេងដែលមានបំណែកតូចៗ។
- ឱ្យពួកគេញ៉ាំនូវផ្លែឈើគ្មានគ្រាប់។
- កិនបំបែកអាហារឱ្យម៉ត។
- ពន្យល់ពីហេតុផលសមរម្យដល់កុមារថាគាត់មិនត្រូវសើចនិងនិយាយនៅពេលញ៉ាំនោះទេ។
- បង្រៀនកូនរបស់អ្នកកុំឱ្យដាក់អាហារក្នុុងមាត់របស់គេច្រើនពេកក្នុងពេលតែមួយ។
- កុំបង្ខំឱ្យពួកគេញ៉ាំលឿនពេក ដែលអាចធ្វើឱ្យពួកគេទំពាមិនបានម៉តល្អ។
- ចូរកុំឱ្យកូនរបស់អ្នកញ៉ាំនិងផឹកនៅពេលពួកគេកំពុងដើរឬក្នុងពេលកំពុងធ្វើដំណើរ។
- មិនត្រូវរំខានអារម្មណ៍របស់កូនអ្នកនៅពេលដែលពួកគេកំពុងញ៉ាំនោះទេ។
- ត្រូវដឹងឱ្យច្បស់ថាកូនរបស់អ្នកមិនដាក់គំរប ប៊ិចឬគំរបហ្វឺតក្នុងមាត់របស់ពួកគេ។
ប្រែសម្រួលដោយ៖ Kalib9
ប្រភព៖ BrightSide
Preview photo credit Depositphotos.com Illustrated by Daniil Shubin and Natalia Tylosova for BrightSide.me