ភ្នំពេញ៖ លោក ហេង នរៈកក្កដា គឺជាតារាសម្តែងប្រុសដែលមានរូបស្រស់សង្ហា និងពោរពេញទៅដោយសមត្ថភាពសម្តែង តាមរយៈការសម្តែងវីដេអូខារ៉ាអូខេ និងខ្សែភាពយន្តជាច្រើនដែលសុទ្ធតែទទួលបានការគាំទ្រ។
តែគួរឱ្យសោកស្តាយកាលពីឆ្នាំមុនម្តាយរបស់ លោក ហេង នរៈកក្កដា បានទទួលមរណៈភាព ដែលធ្វើឱ្យលោកហាក់ឃ្លាតឆ្ងាយពីសិល្បៈបន្តិចព្រោះតែទុក្ខសោកផ្ទាល់ខ្លួន និងចង់រកពេលវេលាស្ងៀមស្ងាត់ដើម្បីធ្វើចិត្តផងដែរ។
រហូតមកទល់ពេលនេះ ស្រាប់តែលោក ហេង នរៈកក្កដា បានបើកបង្ហាញមុខគូស្នេហ៍របស់លោកចំថ្ងៃខួបកំណើតតែម្តង ដោយភ្ជាប់សារផ្អែមល្ហែម និងរំលឹកដល់ពេលវេលាដែលធ្លាប់បាត់បង់ម្តាយកាលពីឆ្នាំមុនទៀតផង។
ដោយលោក Heng Norakakada បានបង្ហោះរូបភាពស្វីតៗជាមួយគូស្នេហ៍ អមនឹងសាររៀបរាប់ថា៖ «ឆ្នាំមុនថ្ងៃនេះ ខ្ញុំអង្គុយយំនឹកម៉ាក់កៀកនឹងថ្ងៃខួបកំណើតរបស់ខ្ញុំ ព្រោះតែអ្នកម្តាយខ្ញុំ លាទៅគ្មានថ្ងៃត្រឡប់ តែឆ្នាំនេះអ្វីៗបានផ្លាស់ប្តូរ ដោយមាននារីម្នាក់ចូលមកក្នុងជីវិតខ្ញុំ ធ្វើអោយខ្ញុំមានក្តីសង្ឃឹមឡើងវិញនឹងការតស៊ូ សង្ឃឹមថាម៉ាក់នឹងសប្បាយចិត្តពេលឃើញកូន មានមនុស្សបែបនេះនៅក្បែរកូន អរគុណដល់ពេលវេលា ដែលបណ្ដោយអោយខ្ញុំបានស្គាល់នារីម្នាក់នេះ បងនឹងសន្យាកាន់ដៃអូនជារៀងរហូត Love U My Beautiful Girlfriend អរគុណគ្រប់យ៉ាងអូនសំលាញ់ Monita Meng»។
តោះ ដើម្បីជ្រាបច្បាស់ សូមទស្សនារូបភាពខាងក្រោម ៖