ភ្នំពេញ៖ ព្រះនាងតូច នរោត្តម ជេនណា គឺជាព្រះនាងតូចដែលមានសមត្ថភាពខ្លាំងពូកែខាងសិល្បៈ មិនថាតែការច្រៀង សម្តែង រាំក្បាច់របាំបុរាណ និងបរទេស រួមទាំងការថតម៉ូឌែលជាដើម។
ដោយថ្មីៗនេះផងដែរ ព្រះនាងតូចជេនណា បានបញ្ចេញបទចម្រៀងថ្មីជាច្រើនបទទាំងការ Cover បទចម្រៀងអង់គ្លេស និងចិនជាដើម សុទ្ធតែពិរោះៗរណ្តំចិត្ត ថែមទាំងច្រៀងត្រូវតុងដូចភាសាដើមផងដែរ។ បន្ថែមពីនេះ ពេលនេះព្រះនាងតូចបានបង្ហាញបទចម្រៀងថ្មីមួយបទ ហើយជាបទច្រៀងថ្មី Original Song មានចំណងជើងថា « មិនចុះចាញ់ Never give up » រដោយមានការរ៉េបជាមួយនឹង Mr. Kelly ដែលបទចម្រៀងមួយបទនេះពិតជាមានអត្ថន័យល្អឱ្យមនុស្សគ្រប់គ្នាមានការតស៊ូនៅក្នុងជីវិត ជាពិសេសសំនៀងរបស់ព្រះនាងតូចពិតជាពិរោះមិនចាញ់អ្នកច្រៀងអាជីពនោះទេ។
បន្ទាប់ពីបទចម្រៀងនេះបានបញ្ចេញរួចមក បទចម្រៀងនេះពិតជាមានការគាំទ្រជាខ្លាំងពីសំណាក់អ្នកគាំទ្ររបស់ព្រះនាង ថាព្រះនាងមិនត្រឹមតែមានព្រះភ័ក្រស្រស់ស្អាតខ្លាំង តែបែរជាមានសំនៀងដ៏ពិរោះយ៉ាងក្រអួនក្រអៅមែនទែន។
សូមទស្សនាវីដេអូខាងក្រោម៖