តួអង្គគំនូរជីវចលមួយចំនួនពិតជាមានរូបរាងដូចមនុស្សខ្លាំងណាស់។ ផលិតករគំនូរជីវចលបានយកការបំផុសគំនិតរបស់ពួកគេចេញពីជីវិតផ្ទាល់ខ្លួន និងផ្អែកទៅលើតារាល្បី ៗមួយចំនួន ។ ឧទាហរណ៍ ដូចជា តួ Aladdin ក្នុងរឿង Disney ត្រូវបានបង្កើតអោយមានរូបរាងដូចទៅនឹង លោក Tom Cruise ហើយ ព្រះនាង Snow White គឺជាការបង្កើតឡើងអោយដូចទៅតារាដ៏ល្បីម្នាក់ឈ្មោះ Hedy Lamarr។
Bright Side បានរកឃើញរឿងដែលគួរឱ្យកត់សម្គាល់ចំនួន ១០ដើម្បីបង្ហាញដល់អ្នកទាំងអស់គ្នាផងដែរ។
1. Aladdin and Tom Cruise
Aladdin គឺជាតួអង្គ គំនូវជីវចលដែលត្រូវបានបង្កើតឡើងដោយក្រុម Glen Keane។ ដំបូង វីរបុរសនេះត្រូវបានគេសន្មត់ថាមានអាយុ ១៣ ឆ្នាំហើយមានលក្ខណៈស្រដៀងនឹងតារាសម្តែងម្នាក់ឈ្មោះ Michael J. Fox ។
ក្នុងកំឡុងពេលបង្កើតនេះ ក្រុមការងារបានសំរេចថា ការរចនានេះ គឺវាហាក់ដូចជាក្មេងពេក មិនអាចទាក់ទាញចិត្តទស្សនិកជនបានទេ។ ដូច្នេះគាត់បានកែប្រែអាយុទៅជា១៨ ឆ្នាំហើយត្រូវបានរចនាឡើងវិញ និងមានរូបរាងដូចទៅនឹងតារាសម្តែងម្នាក់ ឈ្មោះលោក Tom Cruise។
2. Divine and Ursula
Ursula គឺជាតួអង្គគំនូវជីវចលម្នាក់ ដែលយើងមិនអាចបំភ្លេចបាន។ នាងត្រូវបានបង្កើតឡើងដោយអ្នកដឹកនាំរឿង Ron Clements និងអ្នកនិពន្ធរឿង John Musker ។
ប៉ុន្តែយើងប្រាកដថាគ្មាននរណាម្នាក់ដឹងថារូបរាងរបស់ Ursula ត្រូវបានបំផុសគំនិតដោយតារាសម្តែងអាមេរិចម្នាក់ និងមហាក្សត្រី Divineនោះទេ ។ យើងពិតជាអាចមើលឃើញអ្វីដែលពួកគេមាន ហើយវាមិនត្រឹមតែជាមុខមាត់របស់ពួកគេប៉ុណ្ណោះទេ ប៉ុន្តែវាថែមទាំងមានការសម្តែងកាយវិការដូចគ្នាផងដែរ។
3. Belle and Katharine Hepburn
ទោះបីជាការពិតដែលគំនូវជីវចល ចង់អោយសម្រស់តួអង្គមានរាងស្រដៀងនឹងខ្សែភាពយន្តបែបបុរាណក៏ដោយ ក៏អ្នកផលិតខ្សែភាពយន្តនេះចង់អោយ តួអង្គ Belle មើលទៅដូចជា ស្ត្រីម្នាក់ ដែលមានសម្រស់ដូចមនុស្សនាសម័យបចុប្បន្ននេះដែរ។
Woolverton បានជ្រើសរើសតួអង្គ Belle ដែលមានរាងដូចទៅនឹងនាង Katharine Hepburn ដែលជាអ្នកសម្តែង Jo March នៅក្នុងខ្សែភាពយន្ត Little Women ។
4. Snow White and Hedy Lamarr, Marge Champion, and Adriana Caselotti
ព្រះនាងព្រិលសរបស់ គំនូវជីវចល ត្រូវបានបំផុសគំនិតដោយក្មេងស្រីចំនួន ៣ នាក់គឺនាង Hedy Lamarr, Marge Champion ហើយនឹង Adriana Caselotti ។ Hedy Lamarr គឺជាតារាសម្តែងអូទ្រីសដែលត្រូវបានគេស្គាល់ថា ជាការសម្តែងឈុតអាក្រាតកាយដ៏គួរឱ្យស្អប់ខ្ពើមនៅក្នុងខ្សែភាពយន្ត Ecstasy ។
Marge Champion គឺជាអ្នករាំដ៏ល្បីល្បាញម្នាក់ដែលឥឡូវនេះនាងមានអាយុ ជិត១០០ ឆ្នាំហើយ ចំពោះសំលេងរបស់ ព្រះនាង Snow White គឺជាសំលេងរបស់ Adriana Caselotti ។
5. Josh Saviano and Milhouse Van Houten
មានរឿងជាច្រើនដែលដូចគ្នារវាងតួអង្គរឿង The Simpsons របស់ Milhouse និង Josh Saviano ដែលល្បីល្បាញដោយសារតែតួនាទីរបស់គាត់នៅក្នុងរឿង The Wonder Years ។ សព្វថ្ងៃ Josh Saviano គឺជាមេធាវីជនជាតិអាមេរិក។
6. Jessica Rabbit and Rita Hayworth
ខ្សែភាពយន្ដរបស់ Jessica Rabbit ត្រូវបានបំផុសគំនិតដោយតារាសម្តែងផ្សេងៗប៉ុន្តែអ្នកបង្កើតគំនូជីវចល Williams បានពន្យល់នៅពេលក្រោយថា គាត់បានព្យាយាមធ្វើឱ្យនាងដូចជា Rita Hayworth។ ដូចគ្នានេះផងដែរពួកគេបានយកគំរូរម៉ូតសក់តាម Veronica Lake ។
7. Edna Mode and Edith Head
Edna Mode ក្នុងរឿង The Incredibles ត្រូវបានគេជឿថា បានផ្អែកលើអ្នករចនាសំលៀកបំពាក់ Edith Head។ ទោះជាយ៉ាងណាក៏ដោយមានការប៉ាន់ស្មានឥតឈប់ឈរថាអ្នកនិពន្ធAnna Wintour និងតារាសម្តែង Linda Hunt ក៏ជាការលើកទឹកចិត្តដល់ Edna ផងដែរ។
8. Tinker Bell and Margaret Kerry
មានជំនឿមិនត្រឹមត្រូវមួយដែលថា គំនូរជីវចលដើមរបស់Tinker Bell ត្រូវបានយកគំរូតាម Marilyn Monroe។ រឿងនេះប្រហែលជាកើតឡើងដោយសារតែសក់ពណ៌ទង់ដែងនេះ។
ទោះយ៉ាងណាក៏ដោយអ្នកបង្កើតគំនូរជីវចល លោក Marc Davis បានដាក់ឈ្មោះ Margaret Kerry ជាការបំផុសគំ និតរបស់គាត់។ Kerry គឺជាតារាសម្តែង របស់អាមេរិក។ ក្នុងឆ្នាំ ២០០៦ នាងបានបោះពុម្ពផ្សាយជីវប្រវត្តិផ្ទាល់ខ្លួនរបស់នាង។
9. Mr. Magoo and W. C. Fields
Mr. Magoo ត្រូវបានបង្កើតឡើងនៅឆ្នាំ ១៩៤៩ ហើយការលេចមុខដំបូងរបស់លោកគឺនៅក្នុងរូបតុក្កតាខ្លីមួយ ឈ្មោះ The Ragtime Bear ដែលនិពន្ធដោយ Millard Kaufman ។ ការបង្កើតរបស់គាត់គឺជាគំនិតនៃការសហការគ្នា។
ចាងហ្វាងផលិតកម្មគំនូរជីវចល John Hubley មានមូលដ្ឋានលើចរិតរបស់ពូលោកឈ្មោះ Harry Woodruff និងលោក W. C. Fields ដែលជាតារាកំប្លែងជនជាតិអាមេរិកដ៏ល្បីល្បាញ។ យើងច្បាស់ជាបានឃើញលក្ខណៈពិសេសជាច្រើនដែលពួកគេមានដូចគ្នា។
10. The vultures from The Jungle Book and The Beatles
សត្វត្មាតមកពី The Jungle Book ត្រូវបានរចនាឡើងដោយផ្អែកលើក្រុម The Beatles ។ អ្នកអាចស្គាល់ទៅលើការកាត់សក់ ដូចគ្នា របស់ពួកគេ។ តួអង្គទាំងនេះត្រូវបានគេគ្រោងនឹងសម្តែងដោយក្រុមតន្រ្តីប៉ុន្តែនេះមិនបានក្លាយជាការពិតនោះទេ ដោយសារតែមានបញ្ហាជាមួយនឹងកាលវិភាគរបស់ពួកគេ។
Bonus: The Metro Goldwyn Mayer logo and Leo the Lion
Leo the Lion គឺលេចធ្លោជាងគេសម្រាប់គំនូជីវចលនៃខ្សែភាពយន្តហូលីវូដ Metro-Goldwyn-Mayer ។ ចាប់តាំងពីឆ្នាំ ១៩១៦ មានសត្វតោ ៧ក្បាល ផ្សេងៗគ្នាដែលត្រូវបានប្រើសម្រាប់ថតរូប Logo MGM។
តើអ្នកមានតួអង្គគំនូរជីវចលដែលអ្នកចូលចិត្តទេ? តើគំនូរជីវចលមួយណាដែលធ្វើអោយអ្នកភ្ញាក់ផ្អើលជាងគេ? សូមចែករំលែកអត្ថបទនេះជាមួយមិត្តភក្តិរបស់អ្នក!
ប្រភពដើម៖ Bright Side
ប្រែសម្រួលដោយ៖ Crusher