ស្នេហារបស់លោក Tommy តារាចម្រៀង និងកញ្ញា សួស វីហ្សា តារាចម្រៀងល្បីប្រចាំផលិតកម្មស្មីហង្សមាស រឹតតែមានភាពផ្អែមល្ហែមខ្លាំង ក្រោយពីបានប្រកាសចំណងស្នេហាជាផ្លូវការឱ្យទស្សនិកជនបានដឹង បន្ទាប់ពីបានលាក់កំបាំងពីអ្នកគាំទ្រអស់រយៈពេលជាច្រើនឆ្នាំ។
ជាក់ស្តែងចំណងស្នេហាច្បាស់លាស់មួយនេះ បានធ្វើឱ្យគូស្នេហ៍ទាំង២ មានគម្រោងអនាគតជាមួយគ្នាយ៉ាងវែងឆ្ងាយ រហូតសន្សំលុយទិញផ្ទះរួមគ្នា និងបានភ្ជាប់ពាក្យជាផ្លូវការកាលពីប៉ុន្មានខែកន្លងផុតទៅផងដែរ ដោយការរៀបអាពាហ៍ពិពាហ៍អាចនឹងមកដល់ពេលឆាប់ៗគ្រាន់តែសាមីខ្លួនទាំងសងខាងមិនទាន់បង្ហើបឱ្យដឹងតែប៉ុណ្ណោះ។
ពេលនេះក្តីទន្ទឹងរង់ចាំរបស់ទស្សនិកជនជាអ្នកគាំទ្រប្រហែលជិតចេញជារូបរាងហើយ ដោយលោក Tommy និងកញ្ញា សួស វីហ្សា ស្រាប់តែបានបញ្ចេញរូបថត Pre-Wedding រួមគ្នាជាច្រើនសន្លឹក ដែលធ្វើឱ្យគ្រប់គ្នាលាន់មាត់សរសើរថាពិតជាស្រស់ស្អាតស័ក្តសមនឹងគ្នាមែនទែន។ ដោយរូបភាពទាំងនោះបានផ្តិតទស្សនីយភាពនៅប្រាសាទអង្គរដ៏ល្បីល្បាញ និងទឹកដីមណ្ឌលគិរីផងដែរ។
ដើម្បីឱ្យកាន់តែជ្រាបចច្បាស់សូមទស្សនារូបភាពខាងក្រោមនេះ៖