ឱ្យតែដល់រដូចបុណ្យទានម្តងៗដូចជាចូលខែចូលឆ្នាំ និងរដូវភ្ជុំបិណ្ឌប្រជាជនខ្មែរ តែងតែទៅវត្តធ្វើបុណ្យធ្វើទានប្រគេនចង្ហាន់ព្រះសង្ឃមដើម្បីឧទ្ទិសកុសលជូនញាតិកាទាំង៧សន្តានដើម្បីទទួលមគ្គផល មិនដែលអាក់ខាននោះឡើយ។
ជាក់ស្តែងថ្មីៗនេះជារឿងមួយដ៏ហួសចិត្ត ស្រាប់តែមានញាតិញោមមួយរូបដែលមិនត្រូវបានគេបញ្ចេញឈ្មោះ និងរូបថត បានយកស្រាបៀរទៅប្រគេនព្រះសង្ឃទៅវិញ ដោយហេតុយល់ថាជាគ្រឿងដែលស្វាមីកាលនៅរស់ចូលចិត្ត តែទង្វើបែបនេះបានធ្វើឱ្យព្រះសង្ឃ និងអ្នកចូលរួមមានការហួសចិត្តជាខ្លាំងមិនសមមានការយល់ខុសដោយគ្មានពិចារណាពីការធ្វើបុណ្យធ្វើទានបែបនេះសោះ។
តាមរយៈគណនីហ្វេសប៊ុកផេកព្រះតេជគុណព្រះនាម ជ័យ ភានិត .Page បានបង្ហោះរូបភាពដែលញាតិញោមប្រគេនព្រះសង្ឃ ថែមទាំងសរសេររៀបរាប់ថា៖ «ញោមរដូវបុណ្យទាន គាត់យកស្រាបៀរមកប្រគេនព្រះសង្ឃ ដើម្បីឧទ្ទិសមគ្គផល ទៅឲ្យប្តីដែលស្លាប់ គាត់គិតថា មានតែធ្វើបុណ្យជាមួយព្រះសង្ឃទេ ទើបស្រាបៀរនេះ បានដល់ប្តីគាត់😂ញោមៗលេងសើចជាមួយអាត្មាពេកទេដឹង😂ឲ្យគ្រឿងស្រវឹង មិនបានបុណ្យទេញោម »៕