រឿង Maleficent កំពុងចាក់បញ្ចាំងក្នុងរោងភាពយន្ត ហាក់ទទួលបានការគាំទ្រយ៉ាងសម្បើម ដោយសារតែសាច់រឿងនេះ បានបង្ហាញពី Maleficent ដែលមានវេទមន្តអស្ចារ្យ ហើយមានស្លាបធំ ហោះទៅណាមកណាបានតាមចិត្តនោះដែរ។ សាច់រឿង Maleficent : Mistress of Evil គឺជាវគ្គទីពីរ នៃរឿង Maleficent ដែលបានកែសម្រួលពីរឿង Sleeping Beauty របស់ក្រុមហ៊ុន Disney ហើយមានការសម្ដែង ដោយអ្នកស្រី Angelina Jolie។
ងាកមកមើលវីដេអូក្រោយឆាករបស់រឿងនេះវិញ ត្រូវបាន Channel Youtube មួយបានបង្ហោះ ពីសកម្មភាពថតរឿងនេះ ដែលយើងអាចឃើញពីបច្ចេកទេសនៃការផលិត ក៏ដូចជាឈុតកំប្លែងខុសៗ មួយចំនួនពីតួសម្ដែងក្នុងរឿងនេះផងដែរ ហើយយើងក៏ដឹងកាន់តែច្បាស់ថា ស្លាបដែលយើងឃើញពេញមួយរឿងនោះ គឺជាការផលិតក្នុងកុំព្យូទ័រទាំងស្រុង ប៉ុន្តែវាហាក់ដូចពិតៗមែនទែន។
តោះកុំចាំយូរ ចូលមើលបន្តិចម្នាក់ទៅណា៎!