យោងតាមសម្តីលោក Frank Lampard គ្រូបង្វឹករបស់ក្រុមតោខៀវបានអោយ ដឹងថាកីឡាករ Christian Pulisic បានបង្ហាញនូវសមត្ថភាពអស្ចារ្យជាសំណុំតែម្តង ជាមួយនឹងការរកគ្រាប់បាល់បញ្ចូលទី Hat-Trick យ៉ាងល្អឥតខ្ចោះក្នុងការទទួលជ័យជម្នះលើក្រុម Burnley ក្នុងលទ្ធផល ៤-២ ។
Pulisic កីឡាករអន្តរជាតិ របស់សហរដ្ឋអាមេរិកបានស៊ុតបញ្ចូលទីដោយប្រើជើង ស្តាំ ជើងឆ្វេង និងក្បាលតែត បញ្ចូលទី ធ្វើអោយ Chelsea នាំមុខគូប្រកួតមុនចំនួន ៣ គ្រាប់នៅក្នុងការប្រកួតក្របខ័ណ្ឌ Premier League នៅពហុកីឡាដ្ឋាន Turf Moor កាលពីថ្ងៃសៅរ៍។
Willian បានបន្ថែមគ្រាប់ទី ៤ មុនពេលដែលកីឡាករ Jay Rodriguez និង Dwight McNeil រកបានពីរគ្រាប់អោយ Burnley មកវិញ នៅ ៥ នាទីចុងក្រោយប៉ុន្តែ ក្រុមតោខៀវបានរកឃើញជ័យជម្នះជាលើកទី ៧ ជាប់ៗគ្នានៅក្នុងការប្រកួតទាំងអស់។
Lampard បានធ្វើការកោតសរសើរ កីឡាករ Pulisic មិនដាច់ពីមាត់បន្ទាប់ពីការប្រកួត ហើយគាត់សង្ឃឹមថាកីឡាករឆ្នើមរូបនេះនឹងមានទំនុកចិត្តកាន់តែខ្លាំងក្នុងការលេងជាមួយក្រុម បន្ទាប់ពីការស៊ុតបាល់បញ្ចូលទីគ្រាប់ដំបូងរបស់គាត់នៅក្នុងលីគ បាល់ទាត់អង់គ្លេស។
ទស្សនាវីដេអូហាយឡាយទាំងអស់គ្នា៖
ប្រែសម្រួលដោយ Geo
ប្រភព Livescore